بجلی کمپنیوں کے افسران کو مفت یونٹس کے بجائے رقم ملے گی

بجلی کمپنیوں کے افسران کو ماہانہ مفت یونٹس کے بجائے رقم دینے کا نوٹی فکیشن جاری کردیاگیا۔ کمپنیوں کے گریڈ 17سے21کے افسران کیلئے ماہانہ مفت بجلی کی سہولت ختم کرنے کا اطلاق یکم دسمبر سے ہوچکا ۔

نوٹیفکیشن میں کہا گیا ہے کہ  گریڈ 17 کے افسر کو مفت بحلی کے بجائے ماہانہ 15ہزار 858 روپے اور گریڈ 18 کے افسر کو ماہانہ 600 مفت یونٹس کے بجائے 21ہزار996 روپے ملیں گے۔گریڈ 19کے افسر کو ماہانہ880 مفت یونٹس کے بجائے 37 ہزار 594 روپے ملیں گے، اس کے علاوہ گریڈ 20 کے افسر کو ماہانہ 1100 مفت یونٹس کے بجائے 46ہزار 992روپے دیےجائیں گے۔گریڈ 21 کے افسر کو ماہانہ 1300 مفت یونٹس کے بجائے 55 ہزار 536 روپے ملیں گے۔