بجٹ میں سرکاری ملازمین کی تنخواہوں میں 15 فیصد تک اضافے کا امکان

بجٹ میں سرکاری ملازمین کی تنخواہوں میں 10 سے 15 فیصد اضافے کی تجویز دی گئی ہے۔
دستاویز کے مطابق آئندہ بجٹ میں تنخواہ دار طبقے پر کوئی نیا ٹیکس نہ لگانےکی تجویز دی گئی ہے جب کہ تنخواہوں میں اضافے کےلیے47 ارب اضافی رکھے جانے کا امکان ہے۔ تنخواہوں اور پینشن کےلیے 95 ارب روپے اضافی مختص کرنے پر غور کیا جارہا ہے اور پینشن میں اضافے کےلیے 47.7 ارب مختص کیے جانے کا امکان ہے جب کہ پینشن کےلیے بجٹ 527 ارب روپے سے زائد ہونے کا امکان ہے۔ دستاویز کے مطابق اگلے سال قرضو‍ ں پر سود کی مد میں 3105 ارب خرچ ہوں گے اور سبسڈیز پر 501 ارب، گرانٹس پر 994 ارب خرچ ہوں گے۔ دوسری جانب ڈیفنس سروسز کےلیے 1330 ارب رکھنے کی تجویز ہے۔

Back to top button