براڈ شیٹ تنازع: نیب کو اربوں روپے کی ادائیگی کا حکم
نیب اور براڈشیٹ تنازعے میں برطانوی ہائیکورٹ کا قومی احتساب بیورو یعنی نیب کیخلاف نیا حکم آگیا ہے، لندن ہائیکورٹ کے ماسٹرڈیوسن کے فیصلے میں کہا گیا ہے کہ نیب 13 اگست تک براڈ شیٹ کو 3 مختلف مالیت کی ادائیگیاں کرے بصورت دیگرمتعلقہ بینک کی لندن برانچ کو ادائیگی پر مجبور کیا جائے گا۔
ماسٹرڈیوسن نے نیب کو12 کروڑ22لاکھ 3 ہزار790 ڈالرز ادا کرنے، 110 پاؤنڈز اور اضافی اخراجات کی مد میں 26 لاکھ 29 ہزار680 پاؤنڈز ادا کرنے کا بھی حکم دیا۔برطانوی ہائیکورٹ کا کہنا ہے کہ فنڈز 10 اگست تک نیب کے وکلا کے اکاؤنٹ میں ہونےچاہیئیں اور یہ فنڈز 13 اگست تک براڈ شیٹ کےاکاؤنٹ میں ہونے چاہیئیں۔فیصلے کے مطابق بینک17 اگست تک محفوظ رقم براڈ شیٹ کے وکلا کے اکاؤنٹ میں ٹرانسفرکا پابندہوگا۔
برطانوی ہائیکورٹ کے مطابق مقررہ مدت میں کوئی ایک ادائیگی بھی نہ ہونے پر عبوری حکم حتمی تصور ہوگا۔براڈ شیٹ نے نیب سے33 لاکھ 64 ہزار684 پاونڈز کے حصول کیلئے ہائیکورٹ سے رجوع کیا تھا۔ عدالت نے مطلوبہ رقم کے بجائے وی اے ٹی سمیت 26 لاکھ 29 ہزار680 پاؤنڈ ادا کرنےکا حکم دیا۔بصورت دیگر متعلقہ بینک کی لندن برانچ کو ادائیگی پر مجبورکیا جائے گا۔ تمام فنڈز 10اگست تک نیب کے وکلاء کے اکاؤنٹ میں ہونے چاہئیں۔ بینک 17 اگست تک محفوظ رقم براڈشیٹ کے وکلاء کے اکاؤنٹ میں ٹرانسفر کرنے کا پابند ہوگا،مقررہ وقت میں کوئی ایک ادائیگی نہ ہونے کی صورت عبوری حکم حتمی تصورہوگا۔ یاد رہے براڈشیٹ نے نیب سے 33لاکھ 64 ہزار 684 پاؤنڈ کے حصول کیلئے عدالت سے رجوع کیا تھا۔
عدالت نے نیب کے وکلا کی ’درخواست قبل ازوقت‘ لانےکی دلیل کومسترد کردیا اور نیب کے وکلا کو کارروائی مناسب طریقے سے نہ کرنے پربھی تنقیدکا نشانہ بنایا۔نیب وکلا نے عدالت میں کہا تھا کہ حکومت پاکستان سود اوراضافی اخراجات ادا نہیں کرےگی۔
خیال رہے کہ پاکستان براڈ شیٹ سےمعاہدہ توڑنے کے سبب 65 ملین ڈالرتک کا نقصان برداشت کرچکا ہے۔خیال رہے 29 جولائی2021ء کو براڈشیٹ اور احتساب بیورو کے درمیان ہرجانے کی رقم کی ادائیگی پر اختلافات سامنے آئے تھے۔ جس پر براڈشیٹ وکلاء نے کہا کہ وہ سود، مقدمے کے اخراجات کی ادائیگی کیلئے عدالت سے کہیں گے، حکومت پاکستان کے وکلاء نے کہا کہ مقدمے کے اخراجات 35 ہزار ڈالر دینے کو تیار ہیں، نیب وکلاء کا کہنا ہے کہ ان کے پاس صرف منجمد کی گئی رقم ادا کرنے کے اختیارات ہیں۔
