بلوچستان حکومت کا ایک بار پھر سندھ پر پانی چوری کا الزام

بلوچستان حکومت نے ایک مرتبہ پھر سندھ پر صوبے کا پانی چوری کرنے کا الزام عائد کردیا۔ ترجمان بلوچستان حکومت لیاقت شاہوانی نے بتایا کہ بلوچستان کو پٹ فیڈر کینال سے 7600 کیوسک پانی ملنا چاہیے مگر سندھ کی جانب سے تقریباً 6 ہزار کیوسک پانی مل رہا تھا اسی طرح کیر تھر کینال سے 2400 کیوسک کے بجائے 1800 کیوسک پانی مل رہا تھا، پچھلے 10 روز میں سندھ کی جانب سے ان دونوں نہروں میں 55 فیصد پانی کم دیا جارہا ہے۔
انہوں نے کہا کہ اس صورت حال میں سندھ سے ملحق بلوچستان کے زرعی علاقوں میں 76 ہزار ایکڑ پر لگی فصلیں تباہ ہونےکا خطرہ ہے۔ لیاقت شاہوانی کا کہنا تھا کہ بلوچستان حکومت نے سندھ کی جانب سے بلوچستان کا پانی چوری کا معاملہ سندھ حکومت سے اور مشترکہ مفادات کونسل میں اٹھانے کا فیصلہ کیا ہے۔