دنیا میں بھوک سے ہر ایک منٹ میں 11 افراد ہلاک ہوجاتے ہیں،

انسداد غربت کی تنظیم (آکسفام) کی رپورٹ کے مطابق دنیا بھر میں ہر ایک میں بھوک سے 11 افراد ہلاک ہوتے ہیں جبکہ قلت خوراک کی صورتحال گزشتہ برس کے مقابلے میں 6 گنا زیادہ سنگین ہے۔

‘ہنگر وائرس ملٹیپلائز’ نامی رپورٹ میں آکسفام نے کہا کہ کورونا وبا میں قلت خوراک سے ہلاک ہونے والوں کی تعداد میں غیرمعمولی اضافہ ہوا اور ہر ایک منٹ میں تقریباً 7 افراد القمہ اجل بن جاتے ہیں۔

امریکا میں آکسفام کے صدر اور چیف ایگزیکٹو افسر ابے میکسمین نے کہا کہ اعداد و شمار مایوس کن ہیں لیکن یہ اعداد و شمار ایک عام انسان کی زندگی کو ناقابل تلافی نقصان پہنچاتے ہیں۔

انسانی حقوق کے گروپ کے مطابق 15 کروڑ 50 لاکھ افراد قلت خوارک کا سامنا کررہے ہیں جبکہ گزشتہ برس ایسے افراد کی تعداد محض 2 کروڑ تھی۔

رپورٹ میں کہا گیا کہ کورونا وائرس کے نتیجے میں معاشی اور ساتھ ہی موسمیاتی بحران سے 5 لاکھ 20 ہزار افراد قحط کی دہلیز پر پہنچ چکے ہیں۔

انہوں نے کہا کہ وبا کا مقابلہ کرنے کے بجائے فریقین آپس میں لڑ رہے ہیں جبکہ موسیماتی اور معاشی صورتحال کے باعث وہ پہلے مشکلات کا شکار ہیں۔

آکسفام نے کہا کہ وبا کے دوران عالمی سطح پر عسکری اخراجات میں 51 ارب ڈالر کا اضافہ ہوا جو 6 گنا سے تجاوز کرچکا ہے اور اقوام متحدہ کو قلت خوراک پر قابو پانے کی ضرورت ہے۔

تنظیم نے حکومتوں پر زور دیا کہ وہ تنازعات ختم کریں جس کے باعث تباہ کن قلت خوراک کا باعث بن رہے ہیں اور تنازعات کا شکار زونز میں ریلیف ایجنسیاں اپنا کام کرسکیں اور ضرورت مند تک رسائی حاصل کرسکیں۔

انہوں نے مطالبہ کیا کہ ڈونرز ممالک خوارک کی کمی کو دور کرنے کے لیے اقوام متحدہ کے اقدامات کی ہرممکن مدد کریں۔

رپورٹ میں کہا گیا کہ گلوبل وارمنگ اور کورونا سے معاشی بحران کی وجہ سے دنیا بھر میں اشیا ضروریہ کی قیمتوں میں 40 فیصد اضاف ہوا ہے۔

رپورٹ میں کہا گیا کہ قیمتوں میں اضافے سے لاکھوں افراد مزید قلت خوارک کا سامنا کررہے ہیں۔
رپورٹ میں کہا گیا کہ افغانستان، ایتھوپیا، جنوبی سوڈان، شام اور یمن سبھی تنازعات کا شکار ہیں اور یہاں خوارک کا بحران ہے۔

قحط جنگ میں بطور ہتھیار استعمال ہوتا ہے اورعام شہریوں کو خوراک اور پانی سے محروم کیا جاتا ہے۔

میکسمین نے بتایا کہ لوگوں کے بازاروں پر بمباری کی جارہی ہے اور فصلیں تباہ اور مویشی مار دیے جاتے ہیں جس کے نتیجے میں لوگ محفوظ طریقے سے زندہ رہ سکتے ہیں اور نہ ہی خوارک ڈھونڈ سکتے ہیں۔

Back to top button