سربراہان مملکت کی تنخواہیں کتنی ہیں؟

عام طور پر کہا جاتا ہے کہ خواتین اپنی عمر چھپاتی ہیں اور مرد اپنی تنخواہ کو راز رکھتے ہیں اور کسی سے بھی شئیر نہیں کرتے کہ ان کی ماہانہ تنخواہ کتنی ہے۔ حتیٰ کہ اپنی ماہانہ آمدن کا راز قریبی دوستوں اور فیملی ممبرز پر بھی افشاء نہیں کرتے لیکن دنیااب گلوبل ویلج بن چکی ہے جس کی وجہ سے کسی فرد کی سیلری کو راز رہ سکتی ہے لیکن سربراہان مملکت کی ماہانہ تنخواہ اب کوئی راز نہیں رہی۔ اگر مختلف ممالک کے سربراہان مملکت کی تنخواہوں کو مد نظر رکھا جائے تو یہ بات سامنے آتی ہے کہ سب سے زیادہ تنخواہ آسٹریلوی وزیر اعظم Malcolm Turnbull کی ہے جن کی سالانہ تنخواہ 403,745 ڈالر ہے جبکہ سب سے کم سالانہ تنخواہ وزیر اعظم عمران خان کی ہے عمران خان 24 لاکھ روپے سالانہ بنیادی تنخواہ کی مد میں حاصل کرتے ہیں۔
عمران خان (Imran Khan)
میڈیا رپورٹس کے مطابق پاکستانی وزیر اعظم عمران خان کی سالانہ تنخواہ تقریباً 24 لاکھ روپے ہے جو کہ کسی بھی وفاقی وزیر کی تنخواہ سے کم ہے- ایک وفاقی وزیر کو بھی کم سے کم سالانہ تنخواہ30 لاکھ روپے ادا کی جاتی ہے-

نریندر مودی(Narendra Modi)
بھارتی وزیراعظم نریندر مودی کی سالانہ تنخواہ 31 لاکھ روپے ہے- نریندرا مودی سال 2014 سے بھارت کے وزیراعظم ہیں اور مسلسل دوسری بار منتخب ہوئے ہیں-

ڈونلڈ ٹرمپ (Donald Trump)
امریکی صدر ڈونلڈ ٹرمپ کی سالانہ تنخواہ سالانہ 4 لاکھ ڈالر ہے لیکن وہ یہ تنخواہ وصول نہیں کرتے- ڈونلڈ ٹرمپ نے اپنے لیے سالانہ صرف 1 ڈالر مختص کر رکھی ہے- ڈونلڈ ٹرمپ ایک کامیاب بزنس مین بھی ہیں اور ان کے اثاثوں کی مالیت 3 بلین ڈالر ہے-

Petro Poroshenko
پیٹرو یوکرین کے صدر ہیں اور ان کی سالانہ تنخواہ 12220 ڈالر ہے- یوکرین کے صدر یوکرین کی چھٹی سب سے امیر ترین شخصیت بھی ہیں- ان کے اثاثوں کی مالیت 1.3 بلین ڈالر ہے-

Xi Jinping
چینی صدر Xi Jinping کی سالانہ تنخواہ 20593 ڈالر ہے اور وہ یہ تنخواہ سال 2015 سے وصول کر رہے ہیں- سال 2015 میں اس تنخواہ میں اس وقت 62 فیصد کا اضافہ کیا گیا تھا-

Sauli Niinistö
فن لینڈ کا شمار دنیا کے امیر ترین ممالک میں ہوتا ہے- فن لینڈ کے صدر Sauli Niinistö کی سالانہ تنخواہ 146,700 ڈالر ہے-

Vladimir Putin
روسی صدر کا شمار دنیا کے بااثر ترین افراد میں ہوتا ہے- روس کے صدر ولادیمر پیوٹن تنخواہ کی مد میں سالانہ 151,032 ڈالر وصول کرتے ہیں-

Emmanuel Macron
فرانس کے نوجوان صدر کی سالانہ تنخواہ 211,530 ڈالر ہے- سیاسی کیرئیر کے آغاز سے قبل فرانسیسی صدر بینکنگ سیکٹر کی کامیاب شخصیت کے طور پر بھی جانے جاتے تھے-

Justin Trudeau
کینیڈا کے وزیر اعظم کی سالانہ تنخواہ 267,415 ڈالر ہے- گزشتہ سال کینیڈین وزیر اعظم بہاماس میں جب چھٹیاں گزار رہے تھے تو اس وقت ان کے تمام اخراجات کی ادائیگی ان کے امیر ترین دوست پرنس آغا کریم نے کی- اس کی وجہ سے وزیر اعظم سیاسی سکینڈل کی زد میں بھی آگئے

Malcolm Turnbull
آسٹریلیا کے وزیراعظم کی سالانہ تنخواہ 403,745 ڈالر ہے- لیکن انہوں نے ڈونلڈ ٹرمپ کی طرح اپنی تنخواہ میں کمی کا فیصلہ نہیں کیا جبکہ یہ خود ایک ارب پتی اور کامیاب کاروباری شخصیت ہیں-