سردی سے نکل کر ابوظبی کی سخت گرمی میں آنے والے فواد احمد کیا کہتے ہیں

آسٹریلیا کی جانب سے تین ون ڈے اور دو ٹی ٹوئنٹی انٹرنیشنل کھیلے والے فواد احمد نے کہا کہ میلبورن میں سخت سرد موسم تھا اور وہاں سے نکل کر وہ ابوظبی کے شدید گرم موسم میں آئے ہیں اور یہ ایک بڑا چیلنج ہے لیکن وہ اس چیلنج کیلئے کافی پرجوش ہیں.فواد احمد نے کہا کہ پاکستان سپر لیگ میں بہترین مقابلہ ہوتا ہے، ہر ٹیم میں چار غیر ملکی کرکٹرز کی موجودگی سے ٹیموں کا بیلنس زبردست بن جاتا ہے، ٹیموں کے پاس شاندار بولنگ ٹیلنٹ ہے جو مقامی بولرز پر مشتمل ہے اور پھر بیٹنگ میں غیر ملکی کرکٹرز کی موجودگی ٹیموں کو اور بھی مضبوط بنادیتی ہے۔فواد احمد کا کہنا تھا کہ ان کی کوشش ہوگی کہ وہ ٹورنامنٹ میں ٹیم کے مجموعی مقصد کو پورا کرنے میں اپنا کردار ادا کریں.انہوں نے اسلام آباد کے کپتان شاداب خان کی بھی تعریف کی اور کہا کہ شاداب بہترین ٹیلنٹ ہے، گزشتہ دنوں وہ فٹنس کی وجہ سے کافی مسائل میں رہا لیکن خوشی ہے کہ شاداب واپس ایکشن میں ہے۔
پی ایس ایل کے 21 روزہ ٹورنامنٹ کیلئے انہیں مجموعی طور پر 57 دن کا قرنطینہ کرنا ہے لیکن اس کے سوا کوئی آپشن نہیں، واپس آسٹریلیا جائیں گے تو وہاں اور بھی سخت قرنطینہ ہےجس میں تازہ ہوا تک میسر نہیں ہوسکتی۔