مشرقی ریجن میں ایس او پیز کی خلاف ورزی پر لیبارٹری بند

مشرقی ریجن محکمہ صحت نے ایس او پیز کی پابندی نہ کرنے پر ایک مشہور نجی لیبارٹری کو سربمہر کر دیا ہے۔
سبق ویب سائٹ کے مطابق محکمہ صحت نے کہا ہے کہ ’اپنے ماتحت طبی اداروں کی نگرانی اور تفتیشی دوروں کے دوران معلوم ہوا کہ مذکورہ لیبارٹری میں حفاظتی تدابیر کی سنگین خلاف ورزیاں ہو رہی ہیں‘۔

’کوئی بھی ادارہ ایس او پیز کی خلاف ورزی کرے گا خواہ وہ کتنا مشہور کیوں نہ ہو یا اس کا بڑا نام ہو اسے فوری طور پر بند کردیا جائے‘۔
محکمے نے واضح کیا ہے کہ ’جس طرح وزارت صحت کی تفتیشی ٹیمیں دکانوں، بازاروں اور شاپنگ مالز کا تفتیشی دورہ کرتی ہیں اسی طرح وزارت صحت کے ماتحت کام کرنے والے صحت اداروں کے بھی تفتیشی دورے ہوتے ہیں‘۔
’جہاں عام دکانوں کو ایس او پیز کا پابند کیا جاتا ہے وہاں صحت کے متعلق اداروں کو اس کی زیادہ پابندی کرنی چاہئے‘۔