معروف اداکار عدنان صدیقی کرونا کا شکار

عدنان صدیقی نے اپنے پیغام میں بتایا کہ آج ہی میرا کرونا ٹیسٹ مثبت آیا ہے، لیکن شکر ہے کہ انہیں کرونا کی ہلکی علامات ہیں، تاہم انہوں نے ٹیسٹ مثبت آنے کے بعد خود کو آئیسولیٹ کرلیا ہے۔

پاکستانی اداکار نے ذمہ دار شہری ہونے کا ثبوت دیتے ہوئے لوگوں سے تاکید بھی کی ہے کہ گزشتہ ایک ہفتے کے دوران ان سے ملاقات کرنے والے تمام لوگ اپنا ٹیسٹ جلد از جلد کروالیں۔

اداکار کی پوسٹ پر مداحوں سمیت کئی اداکار ساتھی بھی ان کی جلد صحتیابی کے لیے دعاگو ہیں،جن میں صبا قمر، عائزہ خان، مہوش حیات، حرا مانی اور اعجاز اسلم شامل ہیں۔