ملکی مسائل سلیکٹڈ، نالائق اور نااہل حکومت حل نہیں کر سکتی

پیپلز پارٹی نے عوامی حقوق کے تحفظ کیلئے ان ہاؤس تبدیلی اورعام انتخابات سمیت تمام آپشن استعمال کرنے کا عندیہ دے دیا. چئیرمین پاکستان پیپلزپارٹی بلاول بھٹو زرداری کا کہنا ہے کہ ایمانداروزیراعظم آنےکےبعدکرپشن کیوں بڑھ گئی؟عمران خان بتائیں کس کی کرپشن سےمہنگائی بڑھ رہی ہے۔اس نالائق اور نااہل حکومت نے صرف غریب پر بوجھ ڈالا ہے۔
لاہور میں میڈیا سے گفتگو میں چئیرمین پاکستان پیپلزپارٹی بلاول بھٹو زرداری نے کہا کہ ملکی تاریخ میں اتنی مہنگائی نہیں ہوئی جتنی گذشتہ 15 ماہ میں ہوئی۔ پی ٹی آئی ایم ایف بحٹ سے ملک کے مفاد میں نہیں ہم اسے نہیں مانتے. عوام نالائقوں کی ناکامیوں کا بوجھ کیوں اٹھائیں۔ انھوں نے مزید کہا کہ ملک کی عوام ہمیں موقع دیتے ہیں تو ہم اس ملک کی معیشت کا تحفظ کریں گے۔ ان کا مزید کہنا تھا کہ حکومت کی اپنی رپورٹ کہہ رہی ہے کہ مہنگائی بڑھ گئی ہے اور بے روزگاری کا طوفان ہے۔ ان کا کہنا تھا کہ اقتدار میں آنے سے قبل عمران خان کہتے تھے کہ حکمران کرپٹ ہو تو مہنگائی بڑھتی ہے اور عوام ٹیکس بھی نہیں دیتے۔ وزیراعظم بتائیں کہ انہوں نے کونسی کرپشن کی ہے جس کے باعث مہنگائی میں اضافہ ہو رہا ہے اور ٹیکس اہداف بھی حاصل نہیں ہورہے۔
چیئرمین پیپلز پارٹی نے ایک بار پھر عالمی مالیاتی فنڈ آئی ایم ایف سے دوبارہ معاہدہ کرنے کا مطالبہ کرتے ہوئے کہا کہ موجودہ حکمران عوامی نمائندے نہیں ہیں،مسائل سلیکٹڈ نہیں عوامی نمائندوں کی حکومت ہی حل کرسکتی ہے۔ بلاول کا کہنا تھا کہ اس حکومت نے 15 ماہ میں عوام کے لیے کیا کیا؟ پاکستان پیپلزپارٹی کی حکومت نے اپنے پہلے سال میں18 ویں ترمیم، بینظیر انکم سپورٹ پروگرام ،پینشن میں اضافہ، تنخواہوں میں اضافہ، لیبر اور زرعی اصلاحات جیسے انقلابی اقدام اٹھائے اور عوام پر بوجھ نہیں پڑنے دیا۔ تاہم اس نالائق اور نااہل حکومت نے صرف غریب پر بوجھ ڈالا ہے، ان کی گالم گلوچ صرف تماشے ہیں تاکہ عوام کو خوار کر سکیں۔
سندھ میں صحافی کے قتل کے حوالے سے ان کا کہنا تھا کہ غدار وہ ہے جسے آئین نے غدار قرار دیا ہے ، کوئی صحافی غدار کیسے ہو سکتا ہے،عزیز میمن قتل کیس پر جوڈیشل کمیشن بنانے کو تیار ہیں۔ ایک سوال پربلاول کا کہنا تھاکہ حکومت نااہل او رنالائق ہے، شہبازشریف کو واپس آکر اپنا کردار ادا کرنا چاہیے جبکہ مریم نواز کو لندن جانے کی اجازت ملنی چاہیے
انہوں نے کہا کہ ہم کسی بھی غیر جمہوری حکومت کو سپورٹ نہیں کر سکتے۔ شہباز شریف بھی جلد واپس آئیں گے اور اپنا کردار ادا کریں گے۔
ان کا کہنا تھا کہ نئے الیکشن یا ان ہاؤس تبدیلی، ہم سب آپشن اختیار کرنے کو تیار ہیں۔ دھاندلی زدہ حکومت نے زبردستی اپنا راج قائم کیا۔ انہوں نے دعویٰ کیا کہ اپوزیشن اورعوام ایک بیج پر ہیں۔ مریم نواز مجھے دعوت دیں گی ملاقات کی تو کبھی انکار نہیں کروں گا۔ ان کا مزید کہنا تھا کہ مجھے زبردستی گرفتار کرنا چاہتے ہیں تو آصفہ میری آواز بن کر عوام کا کیس لڑیں گی۔