ممبئی ایئرپورٹ کو 48 گھنٹوں میں اُڑانے کی دھمکی

بھارت میں پولیس کو موصول ہونے والی ایک دھمکی میں ممبئی انٹرنیشنل ایئرپوٹ کو بم دھمکانے سے اُڑانے کی دھمکی دیتے ہوئے ایک ملین ڈالر بٹ کوائن کی شکل میں دینے کا مطالبہ کیا گیا ہے۔
ممبئی کو پولیس کو یہ دھمکی ای میل کے ذریعے موصول ہوئی جس میں کہا گیا تھا کہ 48 گھنٹوں میں ایک ملین ڈالر بٹ کوائن کی شکل میں ٹرانسفر کیے جائیں ورنہ ممبئی انٹرنینشل ایئرپورٹ کو دھماکے سے اُڑا دوں گا۔
ای میل میں کہا گیا ہے ایئرپورٹ کے دو ٹرمینلز میں بارودی مواد چھپا دیا گیا ہے اور مقررہ وقت میں ادائیگی نہ کی گئی تو دھماکے کردیے جائیں گے۔ 24 گھنٹے بعد حتمی الرٹ دوں گا۔پولیس نے ای میل پر دھمکی دینے کے الزام میں نامعلوم شخص کے خلاف مقدمہ درج کرلیا جب کہ ایئرپورٹ کی تلاشی بھی لی گئی اور سیکیورٹی کو سخت کردیا گیا ہے۔