پاکستانی شوبز اسٹارز جن کی مائیں غیر ملکی ہیں

لالی وڈ انڈسٹری میں کئی ایسے شوبز کے درخشاں ستارے موجود ہیں جو نہ صرف اداکاری میں اپنا ثانی نہیں رکھتے بلکہ اپنی خوبصورتی میں بھی بے مثال ہیں۔ پرکشش نقوش کے حامل چند فنکار ایسے بھی ہیں جن کے بارے میں بہت کم لوگ جانتے ہیں کہ ان کی مائیں پاکستانی نہیں فارنرز ہیں۔ یہی وجہ ہے کہ ان کے نقوش میں فارنر ہونے کے اثرات نظر آتے ہیں- آج ہم آپ کو ایسے ہی کچھ اداکاروں کے بارے میں بتائيں گے
1: سونیا جہاں
گلوکارہ ملکہ ترنم نورجہاں کی پوتی اداکارہ سونیا جہاں کی والدہ فلورینس کا تعلق انگلینڈ سے تھا- اور اسی وجہ سے سونیا جہاں نے اپنی عمر کا ایک بڑا حصہ بیرون ملک اپنی والدہ کے ساتھ گزارا۔ ان کی شکل میں ان کی فارنر والدہ کی نقوش نمایاں نظر آتے ہیں۔-
2: مرینہ خان

ڈرامہ تنہائياں سے شہرت پانے والی شوخ و چنچل مرینہ خان کے والد ایک پختون گھرانے سے تعلق رکھتے تھے جبکہ ان کی ماں انا رحمت خان کا تعلق انگلینڈ سے تھا- مگر شادی کے بعد وہ مستقل طور پر پاکستان سیٹل ہو گئی تھیں اور انہوں نے اپنی باقی عمر پاکستان ہی میں گزاری-
3: ماہ نور بلوچ

ماہ نور بلوچ کی خوبصورتی اور نقوش دیکھ کر لوگ ان کو انگریز ہی سمجھتے ہیں مگر ان کے حوالے سے کم لوگ ہی یہ جانتے ہیں کہ ان کی والدہ بھی ایک انگریز تھیں-
4: عثمان خالد بٹ

مشہور اداکار عثمان خالد بٹ کو دیکھ کر کسی یونانی شہزادے کا خیال آتا ہے اور یہ خیال آنا صحیح بھی ہے کیوںکہ ان کی والدہ کا تعلق فرانس سے تھا- اور یہی سبب ہے کہ ان کے چہرے کے نقش و نگار میں ان کی والدہ کی واضح جھلک نظر آتی ہے-
5: سارہ خان اور نور خان

یہ دونوں اداکارہ بہنیں جن کی سیاہ آنکھیں اور گھنے سیاہ بال اور اس کے ساتھ خوب سرخ و سپید رنگت ان کے حسن کو چار چاند لگا دیتی ہے- درحقیقت ان کی یہ خوبصورتی ان کی لبنانی ماں کے سبب ہے جو کہ ایک طویل علالت کے بعد وفات پا چکی ہیں

6: سائرہ شہروز

سائرہ شہروز جو کہ معروف اداکار بہروز سبزواری کی بہو اور شہروز سبزواری کی بیوی ہیں ان کے والد کا تعلق پختون فیملی سے ہے جبکہ ان کی والدہ کا تعلق پڑوسی ملک افغانستان سے ہے-
7: میکائیل ذولفقار

میکائیل ذولفقار کے والد ایک ریٹائر پاکستانی سفارتکار ہیں جبکہ ان کی والدہ کا تعلق انگلینڈ سے تھا- مگر جب میکائيل ذولفقار کی عمر سترہ سال تھی اس وقت ان دونوں میاں بیوی میں علیحدگی ہو گئی تھی