پاکستان میں پولیو کا تیسرا کیس رپورٹ
پاکستان میں پولیوکاتیسرا کیس رپورٹ،سندھ کےشہرلاڑکانہ میں بچے میں پولیو وائرس کی تصدیق ہوئی۔
ترجمان نیشنل ای او سی کے مطابق رواں سال کا پولیو کا تیسرا کیس لاڑکانہ سے رپورٹ ہوا ہے جب کہ رواں سال سندھ سے یہ دوسرا پولیو کیس ہے۔
ترجمان نے بتایا کہ گزشتہ سال ملک میں پولیو کے 74 کیسز سامنے آئے تھے جن میں سے بلوچستان سے 27، خیبرپختونخوا سے 22 اور سندھ سے 23 پولیو کیسز رپورٹ ہوئے۔اس کے علاوہ پنجاب اور اسلام آباد سے گزشتہ سال پولیو کا ایک ایک کیس رپورٹ ہوا تھا۔
