پراسیکیوٹر جنرل، ڈپٹی چیئرمین نیب کی تنخواہ کی منظوری

پراسیکیوٹر جنرل اور ڈپٹی چیئرمین نیب کی تنخواہوں اور مراعات کی منظوری دے دی گئی ہے۔

ذرائع کے مطابق وفاقی کابینہ کی جانب سے چیئرمین نیب سہیل ناصر کی تنخواہ 15 لاکھ روپے، جبکہ پراسیکیوٹر جنرل نیب سید احتشام شاہ کی تنخواہ 16 لاکھ 58 ہزار روپے ماہانہ مقرر کرنے کی منظوری دی گئی ہے۔

ڈپٹی چیئرمین نیب کو 500 لیٹر پیٹرول، بجلی، گیس اور دیگر الاؤنس ہائی کورٹ کے جج کے مساوی ملیں گے جبکہ پراسیکیوٹر جنرل نیب کو 600 لیٹر پیٹرول، گاڑی بمعہ ڈرائیور، بجلی، گیس اور دیگر الاؤنس سپریم کورٹ جج کے مساوی ملیں گے، دونوں کو ریکوری پر بونس بھی ملے گا۔

وزارت قانون کی سمری پر وفاقی کابینہ سے سرکولیشن کے ذریعے منظوری حاصل کی گئی۔چیئرمین نیب نذیر احمد کی سفارش پر تنخواہ اور مراعات کی منظوری دی گئی ہے۔