وزیراعلیٰ پنجاب کا لڑکی سے زیادتی کا پروپیگنڈا کرنے والوں کےخلاف کارروائی کا حکم
وزیر اعلیٰ پنجاب مریم نواز نے لاہور میں بچی سے زیادتی کا پروپیگنڈا کرنےوالوں کے خلاف کارروائی کا حکم دیتےہوئے کہا ہےکہ جعلی خبر پھیلانے میں ملوث عناصر کے خلاف بھرپور کریک ڈاؤن کیا جائے۔
وزیر اعلیٰ پنجاب مریم نواز لاہور کے نجی کالج میں مبینہ طالبہ سے مبینہ زیادتی کےحوالے سے پریس کانفرنس کرتےہوئے کہاکہ جھوٹ کی داستان گھڑی گئی،من گھڑت خبر کو ایشو بنایا گیا، مسئلے کےتمام حقائق جان کر آپ کے سامنے آئی ہوں، تمام حقائق آپ سب کےسامنے رکھوں گی۔
وزیر اعلیٰ پنجاب مریم نواز نےکہاکہ ہماری انتظامیہ اور پولیس کو ایک رپورٹ ملی کہ پنجاب کے ایک نجی کالج میں طالبہ سے ریپ کا واقعہ ہوا ہے،ایک سکیورٹی گارڈ پر الزام لگاکہ وہ اس میں ملوث ہےجس پر انتظامیہ فوری حرکت میں آئی،اس دن سے آج تک ہم اس ریپ وکٹم کی تلاش میں ہیں۔
عمران خان آکسفورڈ یونیورسٹی کے چانسلر کے امیدواروں کی دوڑ سے باہر
مریم نواز نےکہا کہ 10 اکتوبر کو ایک بچی کا نام لیاگیا کہ وہ ریپ کا شکار ہوئی ہے لیکن وہ بچی 2 اکتوبر سے اسپتال میں داخل ہے،وہ بچی کہیں گری اور بری طرح زخمی ہونے کےبعد آئی سی یو میں داخل ہے۔
وزیراعلیٰ پنجاب نےکہاکہ ’میری اس بچی کی والدہ سے رات بات ہوئی تو وہ شدید صدمے کی حالت میں تھیں، ان کی اپنی کوئی سرجری ہوئی ہے، انہوں نے کہا کہ مجھے کچھ نہیں چاہیے، میری 5 بچیاں ہیں ان کی شادیاں بھی ہوں گی لہٰذا اس سازش کے کرداروں کو بے نقاب کرنا اور کیفر کردار تک پہچانا آپ کی ذمے داری ہے، اس والدہ کی درخواست پر آپ آج میڈیا پر دیکھ رہے ہیں۔‘
مریم نواز نے کہاکہ بچوں کی جانب سے یہ واقعہ رپورٹ ہونے کے بعد سوشل میڈیا پر ایسی خبر پھیلیں اور اس قسم کے الزامات لگائےگئے اور ایسی کہانیاں گھڑی گئیں کہ جن کا کوئی وجود نہیں ہی نہیں تھا اور طلبہ کو گمراہ کرک ے پنجاب میں ایسی مہم چلانے کی کوشش کی گئی جو لغو اور جھوٹ پر مبنی تھی۔
