کرونا سے مزید 21 افراد جاں بحق ، 1590 نئے کیس
اسلام آباد: ملک میں گزشتہ 24 گھنٹوں کے دوران عالمی وبا کرونا وائرس سے مزید 21 افراد جاں بحق ہوگئے جس کے بعد ملک میں کرونا سے مجموعی اموات 22 ہزار 618 ہوگئیں۔نیشنل کمانڈ اینڈ آپریشن سینٹر (این سی او سی) کی جانب سے جاری تازہ اعدادو شمار کے مطابق گزشتہ 24 گھنٹے میں کرونا کے مزید ایک ہزار 590 کیسز رپورٹ ہوئے۔ ملک بھر میں کرونا کیسز کی مجموعی تعداد 9 لاکھ 76 ہزار 682 ہوگئی۔
این سی او سی کے مطابق گزشتہ 24 گھنٹے میں مثبت کیسز کی شرح 3.63 فیصد رہی ، ملک بھر میں گزشتہ 24 گھنٹوں کے دوران 43 ہزار 790 ٹیسٹ کئے گئے۔این سی او سی کے مطابق سندھ میں کرونا کے کیسز کی تعداد تین لاکھ 48 ہزار 3 سو 85، خیبر پختونخوا میں ایک لاکھ 39 ہزار 5 سو 53، پنجاب میں تین لاکھ 48 ہزار 509، اسلام آباد میں 83 ہزار 8 سو 31، بلوچستان میں 28 ہزار 321، آزاد کشمیر میں 21 ہزار 2 سو 56 اور گلگت بلتستان میں 6 ہزار نو سو 72 ہوگئی ہے۔
این سی او سی کے مطابق اب تک ملک بھر میں 39 لاکھ 42 ہزار 291 افراد کو کرونا ویکسین کی مکمل خوراک جبکہ ایک کروڑ 59 لاکھ 41 ہزار 609 افراد کو سنکل خوراک دی جا چکی ہے۔این سی او سی کے مطابق اب تک ایک کروڑ 98 لاکھ 83 ہزار نو سو افراد کو کرونا ویکسین لگائی جاچکی ہے۔
