کرونا سے مزید 39 اموات ، مثبت کیسز 6.6 فیصد

ملک میں گزشتہ 24 گھنٹوں کے دوران مزید 39 افراد وائرس سے انتقال کرگئے جب کہ مثبت کیسز کی شرح 6.6 فیصد ریکارڈ کی گئی۔پاکستان میں کرونا کے اعداد و شمار بتانے والی ویب سائٹ (covid.gov.pk) کے مطابق گزشتہ 24 گھنٹوں کے دوران ملک بھر میں کرونا کے 49 ہزار 412 ٹیسٹ کیے گئے جن میں سے 3262 افراد میں وائرس کی تصدیق ہوئی جبکہ وائرس سے 39 افراد انتقال کرگئے۔

سرکاری پورٹل کے مطابق ملک میں گزشتہ 24 گھنٹوں کے دوران کرونا کے مثبت کیسز کی شرح 6.6 فیصد رہی۔سرکاری پورٹل کے مطابق ملک میں کرونا سے ہلاکتوں کی تعداد 23 ہزار 87ہوگئی اور مجموعی کیسز 10 لاکھ 11 ہزار 708 تک جاپہنچے ہیں۔

اس کے علاوہ 24 گھنٹوں کے دوران ملک بھر میں 1123 مریض کرونا سے صحتیاب بھی ہوئے ہیں جس کے بعد مجموعی طور پر صحتیاب ہونے والوں کی تعداد 9 لاکھ 28 ہزار 722ہوگئی ہے جبکہ فعال کیسز کی تعداد 59899 ہے۔