کورونا سے شیرنی ہلاک

بھارت کے چڑیا گھر میں ایک شیرنی کورونا ٹیسٹ مثبت آنے کے بعد دوران علاج ہلاک ہوگئی جب کہ دو شیرنیوں کی حالت بھی نازک ہے۔چڑیا گھر حکام کا کہنا ہے کہ 9 سالہ نیلا نامی شیرنی کا کورونا ٹیسٹ مثبت آیا تھا جس کے بعد مرنے سے ایک دن قبل اس میں شدید علامتیں ظاہر ہونے پر علاج شروع کیا گیا تاہم وہ جانبر نہ ہوسکی۔ بھارتی ریاست تمل ناڈو کے شہر چینائی کے ایک چڑیا گھر میں 8 شیروں کا کورونا ٹیسٹ مثبت آیا تھا جن میں 3 شیرنیاں بھی شامل ہیں۔مودی سرکار کی ناقص کارکردگی کے باعث بھارت میں کورونا کے یومیہ کیسز کی تعداد 3 لاکھ جب کہ ہلاکتیں 3 ہزار سے تجاوز کرگئی ہیں۔