یوکرین میں امن و امان قائم کرکے دم لیں گے،ٹرمپ
امریکی صدرٹرمپ نے کہا ہے یوکرین میں امن قائم کرکے دم لیں گے، اور روسی صدر پیوٹن سے جلد ملاقات ہو سکتی ہے۔
دوسری جانب امریکی وزیر خارجہ مارکو روبیو نےکہا ہےکہ روسی صدر پیوٹن امن کے لیے سنجیدہ ہیں یا نہیں یہ اگلے چند دن طے کریں گے۔
امریکی چینل سے گفتگو میں مارکو روبیو کا کہنا تھا کہ فی الوقت یوکرین جنگ ختم کرنے کا کوئی طریقہ عمل میں نہیں ہے، ابھی مزید بات چیت سے سامنے آئے گا کہ کیا طریقہ عمل ہوگا۔
ادھر امریکی وزیر خارجہ روسی حکام سے ملاقات کے لیے سعودی عرب چلے گئے جب کہ یوکرین جنگ خاتمے پر روس امریکا بات چیت میں یوکرین کو مدعو نہیں کیا گیا۔یوکرین کے مسئلے پرمذاکرات منگل کو سعودی دارالحکومت ریاض میں شروع ہونے کاامکان ہے۔
