لاہور سے فتنہ الخوارج سمیت دیگر تنظیموں کے 11 انتہائی خطرناک دہشت گرد گرفتار
کاؤنٹر ٹیررازم ڈپارٹمنٹ نے انٹیلی جنس کارروائی کی بنیاد پر لاہور سے فتنہ الخوارج سمیت دیگر تنظیموں کے 11 انتہائی خطرناک دہشت گردوں کو گرفتار کر لیا۔
ترجمان کاؤنٹر ٹیررازم ڈپارٹمنٹ کےمطابق پنجاب میں رواں ماہ کے دوران مختلف شہروں میں 242 انٹیلی جنس بیسڈ آپریشن کیےگئے،اس دوران 34 دہشت گردوں کو گرفتار کیاگیا۔
ترجمان نے بتایاکہ لاہور سے فتنہ الخوارج سمیت دیگر تنظیموں کے 11 انتہائی خطرناک دہشت گرد پکڑےگئے اور ان کے قبضے سے باروی مواد اور اہم عمارتوں کے نقشے بھی برآمد کیےگئے۔
ترجمان کےمطابق دہشت گردوں سے دھماکا خیزمواد،ڈیٹونیٹرز، حفاظتی فیوز وائر،گولیاں، اسلحہ،دستی بم، آئی ای ڈی بم،موبائل فون،ممنوعہ پمفلٹ اور نقدی برآمد کیےگئے۔
ان کاکہنا تھاکہ دہشت گردوں کی شناخت زبیر،اسلم، ابوبکر،فدا حسین، فہد سلیم،سیف اللہ، نفیس،اصرار،حاجی شاہ اور عبداللہ کے نام سےہوئی۔
سی ٹی ڈی نے بتایاکہ دہشت گرد لاہور میں ایک اہم سرکاری عمارت کو ٹارگٹ کرنا چاہتےتھے۔
عمران خان کی ضمانت خارج کرنے کا تحریری فیصلہ جاری
ترجمان انسداد دہشت گردی کی جانب سےجاری کیےگئے بیان میں کہاگیا کہ یہ کارروائیاں بہاول نگر،بہاولپور، گوجرانوالہ،فیصل آباد، راولپنڈی،نارووال، سرگودھا،چکوال، جہلم،اٹک، گجرات،بھکر اور رحیم یار خان میں کی گئیں۔
ترجمان نےکہاکہ سی ٹی ڈی محفوظ پنجاب کےہدف پر عمل پیرا ہے،دہشت گردی کے ناسور کو جڑ سے اکھاڑ پھینکنے کےلیے پر عزم ہیں۔
