معمر رانا کی بیٹی کی منگنی پر مداحین حیران کیوں ہیں؟

ماضی کے رومانٹک ہیرو معمر رانا کی بڑی بیٹی کی منگنی کی خبر نے ان کے مداحین کو حیرت میں مبتلا کر دیا ہے کیونکہ انکے لیے یہ یقین کرنا مشکل ہے کہ ان کی بیٹی اتنی بڑی ہو سکتی ہے ہے جبکہ وہ خود اب تک جوان نظر آتے ہیں۔ یاد رہے کہ منگنی کی تقریب میں ریما سمیت اہم شوبز اور فیشن شخصیات کی شرکت نے تقریب کو چار چاند لگا دیے تھے۔ معمر رانا کی بڑی صاحبزادی ریا معمر رانا نے 2 جنوری کو اپنی منگنی کی تصاویر شیئر کرتے ہوئے نئی زندگی شروع کرنے کی تصدیق کی تھی۔ میک اپ اور فیشن ڈیزائنر ریا رانا نے اپنے منگیتر سے متعلق کوئی تفصیل فراہم نہیں کی مگر انہیں اپنا دیرینہ دوست اور ساتھی قرار دیا۔

اس منگنی کے موقع پر ریا معمر رانا نے فیشن برانڈ ’لام‘ کا لباس زیب تن کیا اور فیشن ہاؤس نے بھی ان کی منگنی کی تصاویر شیئر کیں۔ میک اپ و فیشن ڈیزائنر کی منگنی کی تقریب میں ماضی کی مقبول شوبز شخصیات نے بھی شرکت کی اور انہوں نے بھی تقریب کی تصاویر شیئر کیں۔ ریا معمر رانا کی منگنی میں اداکارہ ریما خان اور ان کے شوہر ڈاکٹر شہاب الدین طارق نے بھی شرکت کی جب کہ اداکار ریمبو اور ان کی اہلیہ صاحبہ بھی شریک ہوئے۔ منگنی کی تقریب میں اداکار سعود، جویریہ سعود اور دیگر شخصیات بھی شریک ہوئیں اور متعدد شخصیات نے معمر رانا کی بیٹی کی منگنی کی تصاویر بھی شیئر کیں۔ اداکار کی اہلیہ مہناز معمر نے بھی بیٹی کی منگنی کی تصاویر انسٹاگرام اسٹوری میں شیئر کیں، تاہم اداکار نے تصاویر شیئر نہیں کیں۔ معمر رانا کی بڑی صاحبزادی ریا معمر رانا فیشن اور میک اپ آرٹسٹ ہیں اور وہ اپنا اسٹوڈیو بھی چلاتی ہیں۔

تاہم سوشل میڈیا پر معمر رانا کے مداحین نے انکی اور بیٹی کی تصاویر دیکھ کر حیرت کا اظہار کیا ہے اور یہ کہنے پر مجبور ہیں کہ وہ اپنے داماد کی طرح جوام دکھائی دیتے ہیں۔ یاد رہے کہ معمر رانا سابق پاکستانی کرکٹر عظمت رانا کے صاحبزادے ہیں اور ماضی میں مقبول ترین پاکستانی ہیرو رہے ہیں۔

کیا سجل علی اور احد رضا میر کی جوڑی ٹوٹنے والی ہے؟

اداکار کی چھوٹی بیٹی رنایا رانا ابھی زیر تعلیم ہیں، تاہم وہ بھی شوبز اور فیشن میں دلچسپی رکھتی ہیں۔ معمر رانا نے 1999 میں فلموں سے اداکاری کا آغاز کیا تھا اور انہوں نے 4 درجن سے زائد فلموں میں اداکاری کے جوہر دکھائے ہیں۔ فلموں کی کامیابی کے بعد معمر رانا نے چند ٹی وی ڈراموں میں بھی اداکاری کی اور انہوں نے اداکاری کے عوض متعدد ایوارڈز بھی جیت رکھے ہیں۔ معمر رانا کا شمار 2000 کی دہائی کے رومانوی ہیروز میں ہوتا ہے، انہوں نے ریما اور صاحبہ سمیت اس دور کی مقبول اداکاراؤں کے ہمراہ متعدد فلمیں کیں۔

Related Articles

Back to top button