جوتوں میں 2 کلو سونا چھپا کر بیرون ملک جانے والی خاتون گرفتار

روس کی سرحد پر تعینات کسٹم حکام نے ایک خاتون کو گرفتار کرلیا جن کے جوتے سے 2 کلو سونا برآمد ہوا ہے۔عرب اخبار کے مطابق یہ خاتون جوتوں میں سونا چھپا کر بیرون ملک سمگل کرنے کی کوشش کررہی تھی جب حکام نے ان کو گرفتار کیا۔
کسٹم کی ترجمان مارینا بیوکو کا کہنا تھا کہ خاتون کی عجیب چال کو دیکھ کر حکام کو ان پر شک ہوا جس کے بعد دھات کی اشیا کا پتہ لگانے کے لیے استعمال کیے جانے والے آلے ‘میٹل ڈیٹیکٹر’ کی مدد سے ان کی تلاشی لی گئی، جس کے بعد معلوم ہوا کہ خاتون نے اپنے جوتوں میں سونے کے آٹھ بسکٹ چھپا رکھے تھے۔
انہوں نے مزید کہا کہ خاتون نے تقریباً 2 کلو سونا چھپایا ہوا تھے، جس کی مالیت 78 ہزار 650 ڈالر (12 کروڑ 34 لاکھ 5 ہزار 218 پاکستانی روپے) بنتی ہے۔ان کے مطابق گرفتار ہونے والی خاتون کسی چینی شہری کے لیے سونا اسمگل کررہی تھی تاہم اس معاملے کی مزید تحقیقات کا آغاز کر دیا گیا ہے۔
حکام کے مطابق رواں سال متعدد افراد کو چین سے سونا بیرون ملک سمگل کرنے کی کوشش میں گرفتار کیا گیا۔انہوں نے کہا کہ گرفتار ہونے والوں میں ایک ایسا شخص بھی تھا جس نے سونے کے دس بسکٹ اپنے جوتوں میں چھپا رکھے تھے۔

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Close