بلی اپنے بیمار بچے کا علاج کروانے اسپتال لے آئی

استنبول کے ایک اسپتال میں ایک بلی اپنے بیمار بچے کو منہ میں دبائے داخل ہوئی اور وہاں موجود عملے نے فوری طور پر اس کی مدد کی اور دونوں کا معائنہ کرکے دودھ بھی پیش کیا۔ جیسے ہی ڈاکٹروں کی نظر بلی اور اس کے بچے پر پڑی وہ فوری طور پر متوجہ ہوئے اور ڈاکٹروں نے انہیں گھیرے میں لے لیا۔ اس کی وجہ یہ ہے کہ ترک قوم جانوروں سے خاص لگاؤ رکھتی ہے اور لاوارث جانوروں کا خیال رکھنے میں عالمی شہرت کی حامل ہے۔
یہ خبر ترک سوشل میڈیا پر مشہور ہوتے ہوئے پوری دنیا میں پھیلی جس میں بلی کے چھوٹے بچےکو اس کی ماں کے ساتھ اسپتال کے ایمرجنسی روم میں دیکھا جاسکتا ہے۔ اس بے زبان مخلوق کو فوری طور پر مدد دی گئی اور اسپتال کے عملے نے ماں اور بچہ بلی کا بغور معائنہ کیا اور انہیں دوائیں دیں۔
انتظامیہ کے مطابق بے تاب ماں اپنے بچے کو نظر سے اوجھل نہیں ہونے دے رہی تھی اور ہر لمحے اس کے ساتھ موجود رہی۔ اسپتال کے عملے نے دونوں کو دودھ اور بسکٹ بھی دیئے جو انہوں نے خوشی خوشی کھالیے۔ aآخری اطلاعات تک دونوں کی صحت بالکل ٹھیک تھی۔

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Close