ملک بھر میں عیدالاضحی مذہبی جوش و جذبے کیساتھ منائی جائیگی
ملک بھر میں عید الاضحیٰ آج مذہبی جوش و خروش سے منائی جائیگی۔ ملک بھر میں حکومتی ایس او پیز کے مطابق نماز عید کے بڑے بڑے اجتماعات منعقد ہوں گے۔
کروڑوں فرزندان اسلام سنتِ ابراہیمی ادا کرتے ہوئے جانوروں کی قربانی کریں گے۔ عید الاضحی کے موقع پر امن و امان کی صورتحال قابو میں رکھنے کیلئے ملک بھر میں حساس مقامات پر سکیورٹی ہائی الرٹ کر دی گئی ہے۔ تمام سرکاری، نیم سرکاری، نجی ادارے، بینک، عدالتیں بھی بند رہیں گی ۔دوسری طرف وزیراعظم عمران خان نے عوام پر زور دیتے ہوئے کہا ہے کہ کروناوائرس کو پھیلنے سے روکنے کےلئے احتیاطی تدابیر پر سختی سے عمل کیا جائے۔