جرمنی میں ’’ بائے بائے کورونا‘‘ والے سرنج کیک تیار

جرمنی کے شہر ڈارٹمنڈ کی بیکری میں ایک ایسا کیک تیار کیا گیا ہے جو ہو بہو سرنج کی طرح ہے اور اُس پر ’’ بائے بائے کورونا‘‘ کی عبارت درج ہے۔
جرمنی کی شوورنر بیکنگ پیراڈائز بیکری انوکھی چیزیں بنانے میں دنیا بھر میں شہرت رکھتی ہے۔ کورونا کی ابتدا میں جب ٹوائلٹ پیپرز رولس کی کمی کا سامنا ہوگیا تھا تو بیکری نے ٹوائلٹ پیپر کی شکل کا کیک تیار کرکے عالمی شہرت حاصل کی تھی۔
اب جب کہ دنیا بھر میں کورونا ویکسینیشن کا آغاز ہوچکا ہے اور اس عالمی وبا کے خاتمے کی امید پیدا ہوچکی ہے تو شوورنر بیکنگ پیراڈائز نے اس موقع پر بھی کیک کا ایک نیا ڈیزائن تیار کیا ہے۔ یہ کیک سرنج کی شکل کا ہے جس سے مراد کورونا ٹیکہ ہے اور سرنج پر’’ بائے بائے کورونا‘‘ درج ہے۔
بیکری کے مداحوں نے اس کیک کو کافی پسند کیا ہے اور اس کیک کو عالمی وبا کے خاتمے کی ابتدا کا جشن قرار دیتے ہوئے کہا کہ کیک کھاتے ہوئے ایسا محسوس ہوتا ہے کہ ہم اس وبا کو منطقی انجام تک پہنچا رہے ہیں۔

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

گوگلیٰ انگلش»
error: Content is protected !!
Close