رمیز راجہ کا مسند سنبھالنے سے قبل ہوم ورک جاری

نامزد چیئرمین پی سی بی رمیز راجہ کا مسند سنبھالنے سے قبل ہوم ورک جاری ہے تاہم انھوں نے نیشنل ہائی پرفارمنس سینٹر لاہور میں چیف سلیکٹر محمد وسیم اور دیگر عہدیداروں سے ملاقاتوں میں اپنے ویژن سے آگاہ کردیا۔

نامزد چیئرمین پی سی بی رمیز راجہ کو منتخب کرنے کیلیے الیکشن کی رسمی کارروائی 13ستمبر کو لاہور میں گورننگ بورڈ اجلاس میں ہوگی،اس کے بعد سابق کپتان باضابطہ طور پر بورڈ کی کمان سنبھال لیں گے، مسند پر براجمان ہونے سے قبل ان کی پی سی بی عہدیداروں سے مشاورت اور ملاقاتوں کا سلسلہ جاری ہے۔

ذرائع کے مطابق رمیز راجہ نے 6 گھنٹے نیشنل ہائی پرفارمنس سینٹر میں گذارے، اس دوران ان کی چیف سلیکٹر محمد وسیم سے ملاقات ہوئی جس میں قومی ٹیم کی سلیکشن کے طریقہ کار پر تبادلہ خیال کیا، انھوں نے نیوزی لینڈ سے سیریز اور ٹی ٹوئنٹی ورلڈکپ کیلیے ممکنہ اسکواڈز کے بارے میں بھی دریافت کیا، نامزد چیئرمین پی سی بی نے اسکواڈز کی تشکیل کے لیے اپنے ویژن سے چیف سلیکٹر کو آگاہ کردیا

بشکریہ: ایکسپریس

Related Articles

Back to top button