قومی کرکٹ ٹیم کے دورہ نیوزی لینڈ کا شیڈول جاری

پاکستان کرکٹ ٹیم آئندہ سال مارچ میں نیوزی لینڈ کا دورہ کرے گی۔شیڈول جاری کردیاگیا۔

نیوزی لینڈ کے دورے میں قومی کرکٹ ٹیم پانچ ٹی ٹوئنٹی اور تین ون ڈے میچز کھیلے جائیں گے جبکہ نیوزی لینڈ نے سیریز سے پہلے پاکستان میں سہ ملکی سیریز اور آئی سی سی چیمپئنز ٹرافی میں ان ایکشن دکھائی دینے کی تصدیق کردی۔

  کرکٹ نیوزی لینڈ نے پاکستان کے خلاف وائٹ بال سیریز کا شیڈول جاری کر دیا ہے۔پاک نیوزی لینڈ  وائٹ بال سیریز 16 مارچ سے 5 اپریل 2025 کے درمیان ہوگی۔سیریز کا پہلا ٹی ٹوئنٹی 16 مارچ کو کرائسٹ چرچ، دوسرا 18 مارچ کو ڈنیڈن ۔تیسرا ٹی ٹوئنٹی 21 مارچ کو آکلینڈ، چوتھا 23 مارچ کو تاورانگا جبکہ پانچواں ٹی ٹوئنٹی 26 مارچ کو ویلنگٹن میں ہوگا۔ون ڈے سیریز کے میچز نیپئر، ہملٹن اور تاورانگا میں 29 مارچ، 2 اپریل اور 5 اپریل کو ہوں گے۔کرکٹ نیوزی لینڈ نے اپنے سیزن کے شیڈول میں پاکستان میں چیمپئنز ٹرافی کھیلنے جبکہ ٹرافی سے پہلے ملتان میں تین ملکی ٹورنامنٹ میں ان ایکشن دکھائی دینے کی بھی تصدیق کی ہے۔