اسلام آباد ہائی کورٹ کے ایڈیشنل ججز نے حلف اٹھالیا

اسلام آباد ہائی کورٹ کے چیف جسٹس عامر فاروق نے ایڈیشنل ججز راجہ انعام امین منہاس اور محمد اعظم خان سے حلف لیا۔
تقریب حلف برداری میں اسلام آباد ہائی کورٹ کے ججز،جوڈیشل افسران،بار کونسل اور بار ایسوسی ایشن کے عہدیداروں نے شرکت کی۔
یاد رہےکہ دو روز قبل صدر مملکت آصف علی زرداری کی منظوری سے وزارت قانون نے ججز کی تعیناتی کا نوٹی فکیشن جاری کیاتھا، جس کےمطابق راجہ انعام امین منہاس اور اعظم خان اسلام آباد ہائی کورٹ میں ایڈیشنل جج تعینات ہوئے۔
وزارت قانون کی جانب سے جاری کیے گئے نوٹی فکیشن کے مطابق دونوں ججز ایک سال کےلیے اسلام آباد ہائی کورٹ میں تعینات کیے گئے ہیں۔
فارم 45 اور 47 میں اگر فرق ہے تو کوئی ایک صحیح ہوگا : آئینی بینچ
واضح رہےکہ چند روز قبل چیف جسٹس آف پاکستان جسٹس یحییٰ آفریدی کی زیر صدارت جوڈیشل کمیشن کا اجلاس ہوا جس میں سیشن جج اعظم خان اور سابق صدر اسلام آباد ہائی کورٹ بار راجہ انعام امین منہاس کے نام پر اتفاق کیاگیا تھا۔