علی امین گنڈاپور کو پی ٹی آئی خیبرپختونخوا کی صدارت سے ہٹا دیا گیا

وزیر اعلیٰ علی امین گنڈاپور کو پی ٹی آئی خیبرپختونخوا کی صدارت سے ہٹا کر نومنتخب چیئرمین پبلک اکاؤنٹس کمیٹی جنید اکبر خان کو پی ٹی آئی خیبرپختونخوا کا صدر نامزد کردیا گیا۔

سیکرٹری جنرل پی ٹی آئی سلمان اکرم راجا نے کہاکہ وزیر اعلی خیبرپختونخوا علی امین گنڈاپور کو پی ٹی آئی خیبرپختونخوا کی صدارت سے ہٹا دیا گیا ہے۔ رکن قومی اسمبلی جنید اکبر خان کو پی ٹی آئی خیبرپختونخوا کا صدر نامزد کردیا گیا ہے۔

مرکزی رہنما پی ٹی آئی سلمان اکرم راجا نے کہاکہ علی امین گنڈاپور پر بطور وزیر اعلیٰ بہت سے ذمہ داریاں ہیں اور خیبرپختونخوا میں امن امان کی صورت حال بھی سب کے سامنے ہے۔

سلمان اکرم راجا نے کہاکہ علی امین گنڈاپور کو خیبرپختونخوا کی پارٹی صدارت سے ہٹانے کا فیصلہ ان کی اپنی خواہش پر کیاگیا۔ مشال یوسفزئی بشریٰ بی بی کی ترجمان ہیں جب کہ پارٹی کی ترجمانی کےلیے پارٹی میں ہی مختلف ذمہ دار موجود ہیں۔

تحفظات کے باوجود ہم نے نیک نیتی سے مذاکرات شروع کیے تھے : بیرسٹر گوہر

سلمان اکرم راجا کا کہنا تھاکہ یہ فیصلہ جنید اکبر کی عمران خان سے جیل میں ملاقات کے دوران کیاگیا۔ملاقات میں ایم این اے عاطف خان،اپوزیشن لیڈر پنجاب اسمبلی ملک احمد خان بچھر،ایم پی اے پنجاب میاں فرحت عباس بھی شریک تھے۔پی ٹی ائی کی سابق رکن قومی اسمبلی عالیہ حمزہ کو بھی پنجاب میں اہم تنظیمی عہدہ ملنےکا امکان ہے۔

انہوں نے مزید کہاکہ اگر حکومت مذاکراتی کمیٹی ملاقات 28 جنوری کو کراتی ہے تو پھر دیکھیں گے۔ہمارا موقف یہی ہےکہ پہلے کمیشن بنائیں۔ عمران خان نے کہا ہےکہ 28 جنوری کو حکومت ملاقات کرائے۔