عارف علوی کی ڈونلڈ ٹرمپ کی تقریب حلف برداری میں شرکت سے معذرت

مرکزی رہنما پی ٹی آئی ڈاکٹر عارف علوی نے دعویٰ کیا ہے کہ انہیں نو منتخب امریکی صدر ڈونلڈ ٹرمپ کی تقریب حلف برداری کا دعوت نامہ ملا ہے لیکن انہوں نے پاکستان کے حالات کے باعث معذرت کرلی۔

سندھ ہائی کورٹ کے باہر میڈیا سے گفتگو کرتے ہوئے رہنما پی ٹی آئی ڈاکٹر عارف علوی نے کہاکہ حکومت پر بیرونی دباؤ آنا چاہیے، پاکستان پر نہیں۔ہمیں انسانی حقوق کےلیے بین الاقوامی سطح پر آواز بلند کرنی چاہیے۔ جوبائیڈن نےہماری حکومت ختم کی تھی یہی عمران خان نے کہا تھا۔

عارف علوی کاکہنا تھاکہ مذاکرات ان سے بھی جاری ہیں جن کےپاس کوئی اختیار نہیں،ہمارے لوگ قتل ہوئے،اغوا کیاگیا اور دہشت گرد بھی ہم بن گئے،مجھے دہشت گرد بنا دیا گیا ہے لیکن اصل دہشت گرد آزاد گھوم رہےہیں،ان حالات میں بھی ہم مذاکرات سے مسائل کاحل چاہتےہیں۔

حکومت کا سانحہ 9 مئی پر جوڈیشل کمیشن بنانے سے انکار

قبل ازیں عارف علوی کےخلاف واہ کینٹ راولپنڈی میں درج مقدمے میں سندھ ہائی کورٹ سے رجوع کرنے پر عدالت نے عارف علوی کی تیس روز کےلیے حفاظتی ضمانت منظور کرلی۔ عدالت نے عارف علوی کو 25 ہزار کے مچلکے جمع کرانے کا حکم دیا ہے۔ عارف علوی پنجاب کےتین مقدمات میں پہلے ہی ضمانت پر ہیں۔

Back to top button