بلوچستان : سکیورٹی فورسز کی کارروائی، 4 دہشت گرد ہلاک

بلوچستان کے ضلع موسیٰ خیل میں سکیورٹی فورسز کے آپریشن کے دوران فائرنگ کے تبادلے میں کالعدم تنظیم کے 4 دہشت گرد ہلاک ہوگئے۔

ذرائع کے مطابق دہشت گرد راڑہ شم اور رڑکن کے علاقوں میں بسوں پر حملوں میں ملوث تھے۔

سکیورٹی ذرائع کا کہنا ہے کہ سکیورٹی فورسز نے خفیہ اطلاع پر بلوچستان کے ضلع موسیٰ خیل میں کارروائی کرتےہوئے 4 دہشت گردوں کو ہلاک کر دیا۔دہشت گرد راڑہ شم کے علاقے میں ہائی وے پر بم نصب کر رہے تھے،ہلاک دہشت گردوں سے اسلحہ اور بم بھی برآمد ہوئے۔