بیلا روس کے صدر کا وزیر اعظم اور نواز شریف کے اعزاز میں عشائیہ، غیر معمولی گرمجوشی کا اظہار

بیلا روس کے صدر الیگزینڈر لوکاشینکو کی جانب سے صدر مسلم لیگ ن نواز شریف اور وزیر اعظم محمد شہباز شریف کے اعزاز میں اپنےفارم ہاؤس پر عشائیہ دیا گیا۔صدرالیگزینڈر لوکاشینکو نے وزیر اعظم شہباز شریف اور نواز شریف نعجئے غیر معمولی گرمجوشی کا اظہار کیا۔

گزشتہ روز وزیر اعظم شہباز شریف وفد کےہمراہ 2 روزہ سرکاری دورے پر بیلاروس کے دارالحکومت منسک پہنچے۔

بیلاروس کے وزیر اعظم الیگزینڈر تورچن نے وزیر اعظم شہباز شریف کا ائیرپورٹ پر استقبال کیا۔ائیرپورٹ پر بیلاروس میں پاکستانی سفارت خانے کے افسران بھی استقبال کےلیے موجود تھے۔

وزیر اعظم شہباز شریف نے پرتپاک استقبال اور مہمان نوازی پر بیلا روس کے صدر کا شکریہ ادا کیا۔

وزیر اعظم کے ہمراہ نواز شریف اور وزیر اعلیٰ پنجاب مریم نواز،وزیر خارجہ اسحٰق ڈار،وفاقی وزیر اطلاعات عطا اللہ تارڑ، پنجاب کی سینئر وزیر مریم اورنگزیب اور معاون خصوصی طارق فاطمی بھی تھے۔

بعد ازاں بیلا روس کے صدر الیگزینڈر لوکاشینکو کی جانب سے صدر مسلم لیگ ن نواز شریف اور وزیراعظم محمد شہباز شریف کے اعزاز میں اپنےفارم ہاؤس پر عشائیہ دیاگیا۔

عشائیے میں وزیر اعلیٰ پنجاب مریم نواز ،وزیر خارجہ اسحٰق ڈار نے بھی شرکت کی۔

صدر لوکاشینکو نے وزیر اعظم شہباز شریف اور نواز شریف کےلیے غیرمعمولی گرمجوشی کا اظہار کیا۔

عمران خان سے کوئی امریکی وفد نہیں ملا،عرفان صدیقی

اس سے قبل وزیر اعظم نے بیلا روس کے دارالحکومت منسک کے وکٹری اسکوائر کا دورہ بھی کیا، دوسری عالمی جنگ میں جاں بحق فوجیوں کی یادگار، وکٹری اسکوائر پر پھول رکھے۔