بلاول بھٹو نے وزیر اعظم سے خود کو ہائی پاور سلیکشن بورڈ میں شامل کرنے کا مطالبہ کردیا
چیئرمین پیپلز پارٹی بلاول بھٹو زرداری نے وزیر اعظم شہباز شریف سے انہیں ہائی پاور سلیکشن بورڈ میں شامل کرنے کا مطالبہ کردیا۔ بلاول بھٹو کے مطالبے کے باعث پیر اور منگل کو شیڈول ایچ پی ایس بی اجلاس کو جنوری تک کےلیے مؤخر کردیا گیا۔
حکومتی ذرائع کےمطابق بلاول بھٹو زرداری نے وزیر اعظم شہباز شریف سے مطالبہ کیا ہےکہ انہیں ہائی پاور سلیکشن بورڈ میں شامل کیاجائے کیوں کہ وہ وزیر اعظم کے ساتھ اعلیٰ افسروں کی گریڈ 21 سے 22 میں ترقی کے عمل میں شریک ہونا چاہتےہیں۔
پیپلز پارٹی کے چیئرمین بلاول بھٹو کو ہائی پاور بورڈ میں شامل کرنےکا حتمی فیصلہ وزیر اعظم شہباز شریف کریں گے جس کےبعد ہائی پاور بورڈ کا اجلاس جنوری میں دوبارہ بلائے جانے کا امکان ہے۔
مدارس رجسٹریشن بل،وزیراعظم نےمولانافضل الرحمان کوملاقات کیلئے بلالیا
یاد رہے کہ ہائی پاورسلیکشن بورڈ کا آخری اجلاس فروری 2023 میں ہوا تھا۔
ذرائع کےمطابق گریڈ 20 اور 21 میں افسروں کی ترقی کےلیے سینٹرل سلیکشن بورڈ کے اجلاس میں بھی وزرائے اعلیٰ کو بٹھانے کی تجویز دی گئی تھی جسے وزیر اعظم نے مسترد کردیا اور سینیٹر سلیم مانڈوی والا کو ایس ایس بی میں شامل کرلیا ہے، ماضی میں بھی نوید قمر سمیت مختلف سیاسی شخصیات ایس ایس بی میں شامل رہی ہیں۔
