تیل کمپنیوں کا مارجن 63 فیصد بڑھانے کی منظوری

وفاقی حکومت نے تیل کمپنیوں کا مارجن 63 فیصد بڑھانے کی منظوری دے دی ہے۔

ایک نجی ٹی وی کے مطابق مہنگائی سے لاگت بڑھنے اور دیگر وجوہات کی بنا پر تیل کمپنیاں ایک عرصہ سے مارجن میں آٹھ روپے پچاسی پیسے فی لٹر اضافے کا مطالبہ کر رہی تھیں تاہم وفاقی کابینہ نے مارجن میں چھ روپے فی لٹر اضافے کی منظوری دی ہے۔

وفاقی کابینہ نے پٹرول اور ہائی سپیڈ ڈیزل پر تیل کمپنیوں کا مارجن 3 روپے 68 پیسے بڑھا کر چھ روپے کرنے کی سرکولیشن کے ذریعے منظوری دے دی ہے۔

رپورٹ کے مطابق تیل کمپنیوں کے مارجن میں اضافہ مالی گنجائش اور وزارت خزانہ کی پیشگی منظوری سے مشروط ہو گا۔ شہری پٹرولیم قیمتوں میں اضافہ برداشت کریں گے۔

یاد رہے کہ اتحادی حکومت نے رواں سال اگست میں پٹرول اور ڈیزل پر ڈیلر مارجن سات روپے فی لٹر کیا تھا۔

Related Articles

Back to top button