رواں ہفتے 26 اشیائے ضروریہ کی قیمتوں میں اضافہ ہوا

رواں ہفتےملک بھر میں 26 اشیائے ضروریہ کی قیمتوں میں اضافہ ،10 کی کمی قیمتوں میں کمی جبکہ 15 اشیاء کی قیمتیں مستحکم رہیں۔

وفاقی ادارہ شماریات کی جانب سے جاری کی گئی رپورٹ کے مطابق آلو کی قیمتوں میں 1.45 فیصد، چکن کی قیمتوں میں 4.52فیصد، چائے کی پتی کی قیمتوں میں 6.42 فیصد اضافہ، دال مونگ کی قیمتوں میں 1.31فیصد، انڈوں کی قیمتوں میں 2.54 فیصد، دال چنا کی قیمتوں میں2.54 فیصد، آٹے کی قیمتوں میں22.47 فیصد، چاول کی قیمتوں میں 1.51 فیصد، سگریٹ کی قیمتوں میں 1.82 فیصد اور بریڈ کی قیمتوں میں 2.36فیصد اضافہ ہوا ہے۔

اعداو شمار کے مطابق کے مطابق حالیہ ہفتے پیاز کی قیمتوں میں 0.46 فیصد، ٹماٹر کی قیمتوں میں 8.15 فیصد، لہسن کی قیمتوں میں 1.31 فیصد، دال مسور کی قیمتوں میں 0.99 فیصد، ویجی ٹیبل گھی کی قیمتوں میں 0.34 فیصد، ککنگ آئل کی قیمتوں میں 0.78 فیصد جبکہ ایل پی جی کی قیمتوں میں 3.82 فیصد کمی واقع ہوئی ہے۔

ادارہ شماریات حالیہ ہفتے 15اشیائے ضروریہ کی قیمتوں میں استحکام رہا ہے۔

رپورٹ کے مطابق گذشتہ ہفتے کے دوران حساس قیمتوں کے اعشاریہ کے لحاظ سے سالانہ بنیادوں پر 17 ہزار 732روپے ماہانہ تک آمدنی رکھنے والے طبقے کیلئے مہنگائی کی شرح 21.98فیصد، 17 ہزار 733روپے سے 22 ہزار 888روپے ماہانہ تک آمدنی رکھنے والے طبقے کیلئے مہنگائی کی شرح 21.99فیصد، 22 ہزار 889روپے سے 29 ہزار 517 روپے ماہانہ تک آمدنی رکھنے والے طبقے کیلئے مہنگائی کی شرح 26.85فیصد، 29 ہزار 518روپے سے 44ہزار 175 روپے ماہانہ تک آمدنی رکھنے والے طبقے کیلئے مہنگائی کی شرح 29.27فیصد رہی جبکہ 44 ہزار 176روپے ماہانہ سے زائد آمدنی رکھنے والے طبقے کیلئے مہنگائی کی شرح 36.08 فیصد رہی ہے۔