جنگ بندی معاہدہ : حماس نے مزید 3 اسرائیلی یرغمالیوں کو رہا کردیا
حماس نے 3 اسرائیلی قیدیوں کو غزہ میں رہا کر دیا، اسرائیل کی جانب سے 369 فلسطینی رہا کیےجائیں گے۔
حماس نے اسرائیل کے ساتھ جنگ بندی کے معاہدے کےتحت چھٹے قیدیوں کےتبادلے میں غزہ کے علاقے خان یونس میں 3 اسرائیلی یرغمالیوں کو ریڈ کراس کے حوالے کیا۔
رپورٹ کےمطابق دہری شہریت رکھنےوالے رہا کیےگئے 3 یرغمالیوں میں اسرائیلی-امریکی ساگوئی ڈیکل-چن، اسرائیلی-روسی ساشا تروپانوف اور اسرائیلی-ارجنٹینی یائر ہارن کو خصوصی طور پر تیار کیے ایک اسٹیج پر کھڑا کیا گیا اور کہا گیاکہ وہ ریڈ کراس کےحوالے کیے جانے سے قبل خطاب کریں۔
اس موقع پر تینوں اسرائیلی قیدیوں نے اسٹیج پر مختصر گفتگو کی، حماس کے جنگجوؤں نے انہیں گھیرےلیے رکھا اور ان کی ویڈیو ریکارڈ کی گئی۔
اسرائیلی وزیر اعظم بنجمن نیتن یاہو کےدفتر کی جانب سے جاری بیان کےمطابق آج رہا کیےجانے والے شہریوں کو حماس نے 7 اکتوبر 2023 کے حملے کےبعد تحویل میں لیا تھا۔
ٹرمپ کاممبئی حملوں میں گرفتار پاکستانی شہری کو بھارت کے حوالے کرنے کا اعلان
ایڈوکیسی گروپ فلسطین پریزن کلب نےکہا کہ بدلے میں اسرائیل 369 قیدیوں کو رہا کرےگا جن میں سے 24 کو ملک بدر کردیا جائے گا، ان میں سے اکثریت 333 افراد غزہ سے تعلق رکھنےوالے قیدی ہیں جنہیں 7 اکتوبر کے بعد گرفتار کیاگیا تھا۔
