چیف جسٹس نے پی ٹی آئی کو سسٹم میں رہنے اور بائیکاٹ نہ کرنےکا مشورہ دیا  : بیرسٹر گوہر

چیئرمین پی ٹی آئی بیرسٹر گوہر کا کہنا ہےکہ عدلیہ سے ہم زیادہ خوش نہیں اور  چیف جسٹس سے ملاقات میں عدالتی رویے سے متعلق گزارشات رکھیں۔ چیف جسٹس نے پی ٹی آئی کو سسٹم میں رہنے اور بائیکاٹ نہ کرنےکا مشورہ دیا۔

اسلام آباد میں میڈیا سے گفتگو کرتےہوئے چیئرمین پی ٹی آئی بیرسٹر گوہر کا کہنا تھا کہ چیف جسٹس یحییٰ آفریدی سےکل ملاقات ہوئی، حکومت کےخلاف ہماری چارج شیٹ بہت لمبی ہے، چیف جسٹس نے پی ٹی آئی کو سسٹم میں رہنےاور بائیکاٹ نہ کرنے کا مشورہ دیا۔

بیرسٹر گوہر نے کہاکہ عدلیہ سےہم زیادہ خوش نہیں، چیف جسٹس سےملاقات میں عدالتی رویے سے متعلق گزارشات رکھیں، پی ٹی آئی کےساتھ ایسا سلوک کرنا جمہوریت اور قانون کےلیے ٹھیک نہیں ہے۔

ان کاکہنا تھاکہ ہمارا الائنس وفد کراچی گیا ہے،تحریک چلے گی،تمام اپوزیشن کے ساتھ الائنس بنانے جا رہے ہیں،آئین کی سربلندی کےلیے تحریک چلارہے ہیں تاکہ ووٹ چوری نہ ہو۔

چیف جسٹس کا پی ٹی آئی کو نظام کا حصہ بنے رہنے کا مشورہ، اندرونی کہانی آگئی

بیرسٹر گوہر نے کہاکہ شیر افضل مروت کا معاملہ پارٹی کا داخلی معاملہ ہے،کوئی اگر ڈسپلن کی خلاف ورزی کرتا ہےتو  ہم ایک پراسس چلاتے ہیں۔

انکا کہنا تھاکہ 9 مئی میں پارٹی چھوڑنے والوں سےمتعلق عمران خان فیصلہ کریں گے۔