مذاکرات کےلیے شرط نہیں مطالبات رکھے ہیں : بیرسٹر گوہر
چئیرمین پی ٹی آئی بیرسٹر گوہر کا کہنا ہےکہ مذاکرات کے دوران شرط نہیں مطالبات رکھے ہیں۔
بیرسٹر گوہر نے ڈسٹرکٹ اینڈ سیشن کورٹ میں میڈیا سے گفتگو کرتےہوئے کہاکہ انہوں نے 9 مئی کیس سے ڈسچارج ہونے کی درخواست دائر کی ہے،تمام مقدمات جعلی ہیں،سب میں بریت ہوگی۔
پی ٹی آئی کے چئیرمین نے کہاکہ پی ٹی آئی نے وزیر اعظم اور دیگر کے خلاف کرمنل کمپلینٹ دائر کی ہے،دنیا بھر میں احتجاج کےدوران گولی نہیں چلتی،مظاہرین احتجاج کےلیے بیٹھے بھی نہیں تھےکہ شیلنگ شروع کردی گئی۔
ایک سوال کےجواب میں بیرسٹر گوہر نے کہاکہ عمران خان نے اس سے قبل بھی مذاکرات کا کہا تھا،مذاکرات ضرور ہونےچاہئیں،سیاسی مسائل کا حل سیاسی بیٹھک سےہی ہوتا ہے۔
انہوں نےکہاکہ مذاکرات کے دوران شرط نہیں رکھی لیکن مطالبات ضرور رکھےہیں۔
ان کاکہنا تھاکہ اس سے قبل بھی مذاکرات ہوئےلیکن ایک اسٹیج سے قبل رابطہ ختم ہو گیا۔
9 مئی توڑ پھوڑ کے مقدمہ میں پی ٹی آئی کے 8 روپوش رہنما اشتہاری قرار
بیرسٹر گوہر نےکہاکہ بس اب بہت ہو گیا، اب بہتری کی طرف ملک کو بڑھاناچاہیے۔
