پاک بھارت جنگ بندی کے بعد پنجاب میں تعلیمی ادارے کل سے معمول کے مطابق کھلیں گے

پاک بھارت جنگ بندی کے بعد پنجاب بھر کے تمام تعلیمی ادارے کل سے کھول دیے جائیں گے۔

محکمہ سکول ایجوکیشن اتھارٹی کےمطابق کل (بروز پیر) 12 مئی سے تمام تعلیمی ادارے معمول کےمطابق کھلیں گے، سکول کھولنے کے حوالے سے باقاعدہ نوٹی فکیشن بھی جاری کردیا گیا۔

خیال رہے کہ بھارت نے 6 اور 7 مئی کی درمیانی شب رات بزدلانہ حملہ کرتے ہوئے آزاد کشمیر کے علاقوں کوٹلی،مظفر آباد اور باغ کے علاوہ پنجاب میں مریدکے اور احمد پور شرقیہ میں شہری آبادی کو نشانہ بنایاجس میں 2 مساجد شہید ہوئیں جب کہ حملوں میں 2 بچوں سمیت 31 پاکستانی شہید اور 51 زخمی ہوئے۔

بھارتی حکمرانوں نے اپنی فوج پر وہ بوجھ ڈالا جس کو اٹھانے کی ان میں سکت ہی نہیں تھی ، سابق پاکستانی جنرل

کشیدہ صورت حال کے پیش نظر پنجاب بھر کے سکولوں میں 9 اور 10 مئی کو تعلیمی سرگرمیاں معطل کر دی گئیں تھی تاہم جنگ بندی ہونے کےبعد پنجاب میں کل سے تمام اسکول کھول دیے جائیں گے۔

اس حوالے سے باقاعدہ نوٹی فکیشن بھی جاری کیاگیا ہے جس کےمطابق صوبے بھر کے اسکولوں میں کل سے تعلیمی سرگرمیاں معمول کے مطابق شروع ہوجائیں گی۔