عظمیٰ بخاری کے بیان پر افسوس ہوا، کیا آپ نے آئین پڑھا ہے ؟ : شرجیل میمن
سندھ کے سینئر وزیر شرجیل انعام میمن کا کہنا ہے کہ پنجاب کی وزیر اطلاعات عظمیٰ بخاری صاحبہ کے بیان پر افسوس ہوا، کیا آپ نے آئین پڑھا ہے، کیا آپ کو آئین پڑھنا آتا ہے؟
کراچی میں پریس کانفرنس کرتےہوئے سینئر وزیر شرجیل میمن نے کہا کہ آئین میں کہاں لکھا ہےکہ صدر منظوری دیں گے، بلاول بھٹو نے کہاکہ کسی صورت کینال منصوبے کو بننے نہیں دیا جائےگا۔
صوبائی وزیر شرجیل میمن نے کہاکہ 7 کروڑ لوگ اور ان کی معیشت کے مسئلے کو آپ سیاست کہہ رہی ہیں؟ میں سمجھتا ہوں کوئی عقلمند انسان ایسا بیان نہیں دےسکتا، میڈم آپ آئین پڑھ کر بیان دیں،آپ کا کوئی وفاق سے مسئلہ ہےتو گھر پر حل کریں۔
شرجیل میمن نے کہاکہ بلاول بھٹو نے گزشتہ روز واضح پیغام دیا پاکستان ہےتو ہم سب ہیں، بلاول بھٹو نے ملک کے مسائل،خوشحالی اور سلامتی کی بات کی ہے،انہوں نے تو کہا ہےکہ چاروں صوبوں کو مل کر چلنا چاہیے۔
انہوں نے کہاکہ بلاول بھٹو کہہ چکے کہ شہباز حکومت کے ساتھ نہیں عوام کے ساتھ ہیں،پیپلز پارٹی نے ہر فورم پر چولستان کینال منصوبے کی مخالفت کی ہے، 18 اپریل کو تمام ایشوز پر حیدر آباد میں جلسہ کریں گے۔
صدر نے کینال کی دستاویز منظور کیں، سندھ میں کی جانیوالی سیاست تکلیف دہ ہے، عظمیٰ بخاری
سینئر صوبائی وزیر نے کہاکہ پیپلز پارٹی کینالوں پر سیاست نہیں کررہی، ہم اصولوں پر سودا نہیں کررہے، آپ اس کو سیاست سمجھتے ہیں، یہ جینے مرنے کا مسئلہ ہے۔
