سات دن میں عدالتی کمیشن نہ بنا تو مذاکرات کی چوتھی میٹنگ نہیں ہوگی : بیرسٹر گوہر

چئیرمین پی ٹی آئی بیرسٹر گوہر کاکہنا ہےکہ عمران خان نے واضح کیا ہے کہ سات دن میں عدالتی کمیشن نہ بنا تو مذکرات کی چوتھی میٹنگ نہیں ہوگی۔ ہم حکومت کا انتظار کررہے ہیں کہ وہ کیا پیش رفت بتاتے ہیں۔

اڈیالہ جیل کے باہر میڈیا سے گفتگو کرتےہوئے بیرسٹر گوہر نے کہاکہ عرفان صدیقی حکومتی مذاکراتی کمیٹی کے ترجمان ہیں،عرفان صدیقی کےلیے مناسب نہیں کہ وہ مذاکرات کو تعطل کا شکار کریں۔

پی ٹی آئی کے چئیرمین بیرسٹر گوہر نے کہاکہ آرمی چیف سے ہماری جو ملاقات ہوئی اس میں لاء اینڈ آرڈر صورت حال پر بات ہوئی ہے،لاء اینڈ آرڈر صورت حال پر ملاقات پر ایشو کھڑا نہیں کرناچاہیئے۔

ان کاکہنا تھاکہ ہم حکومت کے ساتھ مذاکرات جاری رکھنا چاہتے ہیں،ہماری شرط ہے کہ جوڈیشل کمیشن بنایا جائے، عمران خان نے کہا ہے سات دن میں کمیشن نہ بناتو چوتھی میٹنگ نہیں ہوگی،ہم حکومت کا انتظار کررہے ہیں کہ وہ کیا پیش رفت بتاتے ہیں۔

بیرسٹر گوہر نے کہاکہ اگر کمیشن نہیں بننے جا رہا تو مذاکرات کا کوئی فائدہ نہیں ہوگا، حکومت کو گھبراہٹ ہے کیوں کہ یہ فارم 47 کی حکومت ہے، حکومت کو مذاکرات پر توجہ دینی چاہیئے،ہم سمجھتےہیں مذاکرات کی کامیابی پاکستان کی کامیابی ہے۔

عارف علوی کی ڈونلڈ ٹرمپ کی تقریب حلف برداری میں شرکت سے معذرت

ان کاکہنا تھاکہ میں ہمیشہ کہتا ہوں تحمل اور برداشت کے ساتھ مذاکرات پر فوکس کرنا چاہیئے، بات آگے بڑھانے کےلیے جلد بازی کےبجائے تحمل سے کام لینا ہوگا۔

انہوں نے کہاکہ ڈونلڈ ٹرمپ کی حلف برداری کےدعوت نامے سرکاری سطح پر نہیں آئے، ڈونلڈ ٹرمپ کے دعوت نامےان کی الیکشن کمیٹی ڈیسائیڈ کرتی ہے۔

Back to top button