عمران خان پارٹی رہنماؤں پر عدم اعتماد کرچکے : خواجہ آصف
وزير وفاع خواجہ آصف کا کہنا ہے کہ عمران خان تو اپنے پارٹی رہنماؤں پر پہلے ہی عدم اعتماد کا اظہار کرچکے ہيں۔
سینئر رہنما مسلم لیگ ن خواجہ آصف کا کہنا تھا کہ ایسی صورت میں اگر اس پی ٹی آئی سے مذاکرات شروع ہوں اور عمران خان کی حمایت نہ ہو تو یہ مذاکرات کہاں جائيں گے۔
خواجہ آصف نے کہاکہ اچانک مذاکرات کی بات سے لوگ حیران رہ گئےہیں۔
دوسری جانب مسلم لیگ ن کے رہنما سینیٹر عرفان صدیقی نےکہا تھا کہ پی ٹی آئی مذاکرات کی بات کرےیا پھر سول نافرمانی کی بات کرے۔
سینیٹر عرفان صدیقی نے کہاکہ ایک ہاتھ میں تلوار لےکر دوسرے ہاتھ سے مصافحہ نہیں ہوسکتا۔
پی ٹی آئی احتجاج میں رینجرز اہلکاروں کی شہادت: عمران خان ، بشریٰ بی بی کے خلاف مقدمہ درج
عرفان صدیقی کا کہنا تھاکہ اپنے لیے رعایتیں مانگنےکی خاطر مذاکرات اور سول نافرمانی کے منصوبے ساتھ ساتھ نہیں چل سکتے۔
ان کاکہنا تھاکہ پی ٹی آئی کو آگے بڑھنا ہےتو اپنے کندھوں پر نیا بوجھ نہ لادیں،پہلے ہی بہت ہے۔
