عمران خان نے ہمیشہ اسٹیبلشمنٹ سے مذاکرات کی حوصلہ افزائی کی ہے : شیر افضل مروت
پی ٹی آئی سے بے دخل رہنما شیر افضل کا کہنا ہے کہ عمران خان نے ہمیشہ اسٹیبلشمنٹ سے مذاکرات کی حوصلہ افزائی کی ہے، پارٹی میں غلط تصویر پیش کی جاتی ہےکہ عمران خان اسٹیبلشمنٹ سے مذکرات کے حامی نہیں ہیں۔
رکن قومی اسمبلی شیر افضل مروت کا کہنا ہے کہ چند لوگوں نے عمران خان کو حصار میں لیا ہوا ہے،جو لوگ پہلے میرے اور علی امین گنڈاپور کے خلاف ہوئےوہی اب بیرسٹر گوہر کے خلاف بول رہے ہیں۔
شیر افضل مروت کا کہنا تھاکہ سلمان اکرم راجا نے بیرسٹر گوہر کو ساتھ بٹھاکر ان کی تضحیک کی،کبھی ایسا فیصلہ نہیں ہوا کہ بہنیں نہیں جائیں گی تو ملاقات کا بائیکاٹ ہوگا،پہلے بہنیں نہیں گئیں تو سلمان اکرم راجا خود بھی ملاقات کےلیے چلے گئے تھے۔
شیر افضل نے کہا کہ عمران خان نے ہمیشہ اسٹیبلشمنٹ سے مذاکرات کی حوصلہ افزائی کی ہے، پارٹی میں غلط تصویر پیش کی جاتی ہےکہ عمران خان اسٹیبلشمنٹ سے مذکرات کے حامی نہیں ہیں۔
ان کا کہنا تھا کہ پی ٹی آئی کو اپنے سوشل میڈیا سے اب فیصلہ کن طور پر دو دو ہاتھ کرنا ہوں گے۔
شیر افضل مروت نے کہا کہ پی ٹی آئی میں کلچر بن چکا ہے کہ کسی کو گندا کرنا ہو تو اس پر اسٹیبلشمنٹ کا آدمی ہونے کا الزام لگا دو۔
پارٹی رہنماؤں کی ایک دوسرے پر الزام تراشی ، عمران خان کی وارننگ
خیال رہے اس سے قبل بھی شیر افضل مروت نے کہا تھا کہ پی ٹی آئی میں تین پریشر گروپس ہیں،جن میں سوشل میڈیا سب سے اہم ہے،یوٹیوبرز ڈالرز کمانے کےلیے پی ٹی آئی کا جو بیانیہ بناتے ہیں اس کا نقصان پاکستان میں پارٹی اور عمران خان کو چکانا پڑتا ہے۔
