عمران خان ڈیل کے تحت نہیں سرخرو ہوکر جیل سے نکلیں گے : علیمہ خان

عمران خان کی ہمشیرہ علیمہ خان کا کہنا ہے کہ عمران خان ڈیل کے تحت نہیں سرخرو ہوکر جیل سے نکلیں گے۔

علیمہ خان نے اڈیالہ جیل کے باہر عمران خان سے ملاقات کے بعد صحافیوں سے گفتگو کرتے ہوئے کہاکہ 190 ملین پاؤنڈ کا ریفرنس جب ہائی کورٹ میں جائے گا تو دنیا کو معلوم ہوگاکہ یہ کتنا بڑا مذاق ہے، عمران خان باقی کیسز میں جیل کے اندر نہیں رہ سکے،تو اس میں کیسےجیل میں رہیں گے؟۔

علیمہ خان نے کہاکہ عمران خان کہتے کہتے تھک گئےکہ وہ عدالت کے ذریعے اپنے کیسز کا سامنا کرکے باہر نکلیں گے،کیا معلوم کہ ان کو لکھائی میں مشکل پیش آرہی ہوکہ 190 ملین پاؤنڈ کے فیصلے میں کیا لکھنا ہے؟۔

انہوں نے کہاکہ 250 بچوں کو مفت تعلیم دینا عمران خان کا جرم ہے،آج ہمیں اندر نہیں جانے دیاگیا،ہم احتجاجاً پیدل اندر گئے۔

انہوں نے کہاکہ پی ٹی آئی 8 فروری سے کسی کے قبضےمیں نہیں ہے، عمران خان جیل سے پارٹی چلارہے ہیں،ہم جلد عمران خان کو جیل سے باہر نکالیں۔

حکومت اور PTI کے مابین مذاکراتی عمل خاتمے کی جانب گامزن

علیمہ خان نےکہا کہ سلمان اکرم راجا کو عمران خان نے نامزد کیا ہےاور اپنے لوگ اس کے پیچھے لگ گئےہیں، سلمان اکرم راجا وہی کرےگا جو عمران خان کہے گا، انہوں نے کہاکہ عمران خان بتاکر بھیجتے ہیں کہ میرے ٹوئٹر اکاؤنٹ پر کیا کرنا ہے۔

انہوں نے مزید کہاکہ حکومت نے مذاکرات اگر کرنےہوتے تو یہ خود ہی صبح 7 بجے جیل کھول دیتےہیں،اب بھی اگر مذاکرات کرنےہوئے تو اپ دیکھ لینا فجر کے وقت جیل کا دروازہ کھل جائےگا۔