عمران خان کی نااہلی پر احتجاج کیس : علی امین گنڈاپور اشتہاری قرار
انسداد دہشت گری عدالت اسلام آباد نے عمران خان کی نااہلی پر احتجاج کے کیس میں وزیر اعلیٰ خیبرپختونخوا علی امین گنڈاپور کو اشتہاری قرار دے دیا۔
اسلام آباد کی انسداد دہشت گری عدالت میں پی ٹی آئی رہنماؤں کے عمران خان کی نااہلی پر احتجاج کے کیس کی سماعت ہوئی،جس میں پی ٹی آئی کے رہنما فیصل جاوید،واثق قیوم عدالت میں پیش ہوئے۔
کیس کی سماعت انسداد دہشت گری عدالت کےجج طاہر عباس سپرا نےکی۔ دوران سماعت عدالت نے وزیر اعلیٰ علی امین گنڈاپور اور عمر تنویر بٹ کو اشتہاری قرار دےدیا جب کہ عامر کیانی کےخلاف اشتہاری قرار دینے کا پراسس شروع کردیا گیا۔
فیصل جاوید کی طرف سے دہشت گردی کی دفعات ختم کرنے کےلیے درخواست بھی دائر کی گئی ۔
عدالت نے غیرحاضر ملزمان کے وارنٹ گرفتاری جاری کرتےہوئے کیس کی سماعت 15 جنوری تک ملتوی کردی اور درخواستوں پر دلائل طلب کرلیے۔
عمران خان کو 9 مئی پر معافی مانگ کر طرز سیاست کو بدلنا ہوگا : احسن اقبال
واضح رہےکہ ملزمان کےخلاف تھانہ آئی 9 میں 2022ء میں مقدمہ درج کیاگیا تھا۔
