عمران خان کے خط فوج کو بدنام کرنے کا ایک پروپیگنڈا ٹول ہے : رانا ثنا اللہ
مرکزی رہنما مسلم لیگ ن رانا ثنا اللہ نے عمران خان کی جانب سے آرمی چیف کو خط لکھنے کے معاملے پر کہا ہے کہ عمران خان کا آرمی چیف کو خط قومی سطح کا جرم ہے۔ عمران خان خط نہیں بھیجتےبلکہ یہ ایک پروپیگنڈا ٹول ہےجس سے وہ فوج کو بدنام کرنے کی کوشش کررہے ہیں۔
وزیر اعظم کے مشیر برائے سیاسی امور رانا ثنا اللہ کا کہنا تھا کہ عمران خان کا آرمی چیف کو خط قومی سطح کا جرم ہے۔ایسی حرکتوں سے عمران خان عوام اور فوج میں دوریاں پیدا نہیں کرسکیں گےاور ان کےلیے بھی اس چیز کے اچھے اثرات نہیں ہوں گے۔
لیگی رہنما رانا ثنا اللہ کا کہنا تھا کہ پی ٹی آئی کے اسٹیبلشمنٹ سے باضابطہ رابطوں کی بات غلط ہےاور اسٹیبلشمنٹ کا پی ٹی آئی کے ساتھ کبھی رابطہ نہیں ہوا۔
انہوں نےکہا کہ پی ٹی آئی سیاسی جماعتوں سے بات کرےاور کوئی اتحاد بنانا ہےتو وہ بھی بنائے کیوں کہ راستہ یہیں سے نکلے گا۔انہوں نےکہاکہ باقی پی ٹی آئی کےلیے اور کوئی راستہ نہیں تاہم اگر وہ مزید زور آزمائی کرنا چاہتی ہے تو کر لے۔
دہشتگردی کیخلاف جنگ میں عوام ،فوج کو ساتھ کھڑاہوناہوگا،عمران خان
سینئر رہنما مسلم لیگ ن راناثنا اللہ کا کہنا تھاکہ ملکی معاملات پر حکومت اور اپوزیشن کو بیٹھ کر فیصلے کرنےچاہییں۔ان کاکہنا تھاکہ گورنر پنجاب اور ان کے اعتراضات درست تھے جنہیں دور کیا جائےگا۔
راناثنا اللہ نے کہاکہ وزیر اعظم نے پیپلز پارٹی سے بات چیت کےلیے کمیٹی بنائی ہے۔
