بھارت میں مسلمانوں کے بعد مسیحی بھی ہندو انتہا پسندوں کے نشانے پر

بھارت میں مسلمانوں کے بعد مسیحی بھی ہندو انتہا پسندوں کے نشانے پر آگئے ہیں ،تازہ واقع میں ہندوانتہاپسندوں نے چرچ پر دھاوا بول دیا اور توڑ پھوڑ کی۔

بھارتی میڈیا  رپورٹس کے مطابق ہندوانتہاپسندوں کے ہجوم نے ریاست چھتیس گڑھ کے شہر نارائن پورمیں چرچ پر حملہ کردیا۔ ڈنڈا بردار انتہاپسندوں نے چرچ میں توڑپھوڑ کی اور نقصان پہنچایا۔ہندو انتہاپسندوں نے چرچ میں موجود لوگوں ، پولیس اہلکاروں اور صحافیوں کو بھی تشدد کا نشانہ بنایا۔ہجوم تشدد اور توڑپھوڑ کی ویڈیو بھی بناتا رہا۔

رپورٹس کے مطابق سوشل میڈیا پر وائرل ویڈیو میں انتہاپسندوں کو توڑ پھوڑ کرتے اور پولیس اہلکاروں پرتشدد کرتے دیکھا جا سکتا ہے۔ چرچ پرحملہ کرنے والوں میں سے کسی کو بھی گرفتار نہیں کیا گیا ہے۔