لیبیا کے حکام نے کہا ہے کہ سیلاب متاثرین کی امداد کیلئے جاتے ہوئے رضاکاروں کو ٹریفک حادثہ پیش آگیا جس میں 4 یونانی رضاکاروں سمیت 7 افراد ہلاک ہو گئے۔

 لیبیا کے مشرقی حصے پر حکمران دھڑے کے وزیر صحت نے اپنے بیان میں کہا ہے کہ حادثے میں 4 یونانی رضاکاروں سمیت لیبیائی خاندان کے 3 افراد بھی ہلاک ہوئے۔

وزیر صحت کے مطابق حادثے میں مزید 15 افراد زخمی بھی ہوئے، امدادی کارروائیاں شروع کردی گئی ہیں، زخمیوں کو طبی امداد کیلئے اسپتال منتقل کردیا گیا ہے۔ حادثے کے اسباب جاننے کیلئے تحقیقات جاری ہیں۔