روس نے ایران کیلئے تیارکردہ سیٹلائٹ خلا میں بھیج دیا،جسے وہ معینہ مدت کیلئے یوکرین کی جاسوسی کیلئے بھی استعمال کر یگا۔

عالمی میڈیا رپورٹس کے مطابق روس نے ’’خیام‘‘ نامی سیٹلائٹ کے مدار میں داخل ہونے کی تصدیق کردی،قازقستان کے قریب سے سٹیلائٹ کو سویوز-2.1b راکٹ کے ذریعے خلا میں بھیجا گیا۔

رپورٹس کے مطابق یہ سٹیلائٹ روس نے ایران کے لیے تیار کیا ہے تاہم ابھی اس کا کنٹرول روس کے پاس ہی ہے اور سٹیلائٹ کی ایران کی حوالگی میں کئی ماہ لگ سکتے ہیں اور اس دوران یہ سٹیلائٹ روس یوکرین کی جاسوسی کے لیے خود استعمال کرسکتا ہے۔

ادھر ایران کی خلائی ایجنسی کی جانب سے جاری بیان میں کہا کہ اسلامی جمہوریہ ایران ’’خیام‘‘ سیٹلائٹ کا کنٹرول خلا میں

1999 میں ورلڈ کپ کی ہاٹ فیورٹ پاکستانی ٹیم فائنل کیوں ہاری؟

پہنچنے کے دس دن کے اندر اندر حاصل کرلے گا۔

اس سے قبل ایران نے دعویٰ کیا تھا کہ خیام سٹیلالئٹ کا مقصد ملک کی سرحدوں کی نگرانی، زرعی پیداوار کو بڑھانا اور آبی وسائل اور قدرتی آفات کی نگرانی کرنا ہے۔

واضح رہے کہ گزشتہ ماہ تہران میں روسی صدر ولادیمیر پوٹن نے ایرانی ہم منصب ابراہیم رئیسی اور سپریم لیڈر آیت اللہ علی خامنہ ای سے ملاقات کی تھی۔