مکہ مکرمہ میں اسرائیلی یہودی صحافی کو داخل ہونے میں مدد فراہم کرنے والےسعودی شہری کو گرفتار کر لیا گیا ہے۔

سعودی میڈیا رپورٹس میں سعودی حکام کے حوالے سے بتایا گیا کہ پولیس نے یہودی صحافی کو مکہ مکرمہ میں داخل ہونے کے لئے مدد فراہم کرنے والے سعودی شہری کو گرفتارکرلیا۔

شہری کا کیس سعودی پراسیکیوشن کے حوالے کردیا گیا ہے جو اس مقدمے کی پیروی کریں گے۔ اسرائیلی صحافی کے پاس امریکی پاسپورٹ تھا۔

سعودی پولیس کا کہنا ہے غیرمسلم کو مکہ مکرمہ میں داخلے میں مدد فراہم کرنا جرم ہے جسے برداشت نہیں کیا جائے گا۔ اس قسم کی خلاف ورزی کرنے والے کو قانون کے مطابق سزا دی جائے گی۔

اشتعال انگیز تقریر میں سہولت کاری میں گرفتار بابر غوری رہا

غیر مسلم صحافی نے واپسی پر اس رپورٹ کو شائع کیا تھا۔ اسرائیلی صحافی کا کہنا تھا کہ مکہ کا دورہ کرنا اس کا دیرینہ خواب تھا اور اس کےگائیڈ کو یہ معلوم نہیں تھا کہ وہ ایک اسرائیلی صحافی ہے۔

یادرہے کہ گزشتہ ہفتے ایک اسرائیلی چینل کے لئے کام کرنے والے صحافی گل تماری نے ایک ویڈیو پوسٹ کی تھی جس میں وہ مکہ کی سڑکوں اور اہم مقامات پر موجود تھا۔ اسرائیلی صحافی جبل رحمت پر بھی چڑھ گیا تھا۔

واضح رہے کہ سعودی قوانین کے مطابق مکہ کی سرزمین پر غیر مسلم نہیں آ سکتے اور اس کو یقینی بنانے کے لئے کئی جگہوں پر چیک پوائنٹس بنائے گئے ہیں۔